Oseas 2:1-23
2 “Ibagayo iti kakabsatyo a lallaki, ‘Tattaok!’*+
Ken iti kakabsatyo a babbai, ‘O babai a nakaasian!’*+
2 Akusaranyo ti inayo; akusaranyo,Ta saan nga isu ti asawak+ ken saan a siak ti asawana.
Rumbeng nga isardengna ti panagbalangkantisna*Ken ti pannakikamalalana,*
3 Ta no saan, labusak ken pagbalinek a kas idi aldaw a nayanak,Aramidek a kas iti let-ang,Kas iti awan danumna a daga,Ket matay gapu iti waw.
4 Diakto kaasian dagiti annakna a lallaki,Ta annak ida ti panagbalangkantis.*
5 Ta nagbalangkantis* ti inada.+
Insikogna ida ken imbabainna ti bagina,+ ta kinunana,‘Surotek dagiti lallakik+A mangmangted kaniak iti tinapay ken danum,Lupot a delana ken lienso, lana ken inumen.’
6 Isu a serraakto ti dalanna iti alad a sisiit;Ket ibangonakto iti bato a paderTapno saanna a makita ti pagnaanna.
7 Kamatennanto dagiti lallakina, ngem dinanto ida makamakam;+Sapulennanto ida ngem dinanto ida mabirokan.
Ibagananto, ‘Subliak ti asawak,*+Ta nasaysayaat idi ti biagko ngem ita.’+
8 Dina nabigbig a siak ti mangmangted idi kenkuana iti bukbukel,+ baro nga arak, ken lana,Agraman iti aglaplapusanan a pirakKen balitok, nga inusarna para ken Baal.+
9 ‘Isu nga agsubliak ken alaekto ti trigok iti tiempo ti apitKen ti baro nga arakko iti panagbuburas,+Ket rabsutekto dagiti lupotko a delana ken lienso a pinangabbongna iti labus a bagina.
10 Labusakto iti sango dagiti lallakina tapno makita dagiti ibainna,Ket awanto ti mangisalakan kenkuana iti imak.+
11 Pasardengekto ti amin a ragsakna,Dagiti piesta,+ baro a bulan, sabbath, ken amin a piestana.
12 Ket dadaelekto dagiti kaubasanna ken kayona a higos a maipapan kadagita kinunana:
“Dagita ti bayad a naawatko kadagiti lallakik”;Pagbalinekto dagita a kabakiran,Ket ibusento dagita dagiti atap nga animal iti tay-ak.
13 Singirekto isuna gapu kadagidi aldaw a nagidatdaton iti sanguanan dagiti rebulto ni Baal,+Gapu ta nagar-aritos, inar-arkosanna ti bagina, ken sinursurotna dagiti lallakina,Ket siak ti linipatna,’+ kuna ni Jehova.
14 ‘Isu a kombinsirekto,Iturongkonto iti let-ang,Ket kasaritakto tapno agsubli ti pusona kaniak.
15 Manipud iti dayta a tiempo, isublikto dagiti kaubasanna,+Ken ti Tanap* ti Akor+ a kas ruangan ti namnama;Sumungbatto sadiay a kas kadagidi aldaw ti kinaagtutubona,Kas idi aldaw ti iruruarna idiay Egipto.+
16 Iti dayta nga aldaw,’ kuna ni Jehova,‘Awagannakton iti Asawak, ket dinakton awagan iti Amok.’*
17 ‘Ikkatekto iti ngiwatna ti nagnagan dagiti rebulto ni Baal,+Ket saanton a malagip dagiti naganda.+
18 Iti dayta nga aldaw, maigapu kadagiti tattaok, makitulagakto kadagiti atap nga animal iti tay-ak,+Ken kadagiti billit iti tangatang ken kadagiti agkarkarayam iti daga;+Pukawekto ti pana ken ti espada ken ti gubat iti daga,+Ken pagbalinekto a natalged ti panagbiagda.*+
19 Ikarik a sikanto ti agbalin nga asawak iti agnanayon;Iti kinalinteg ken kinahustisia,Iti napudno nga ayat ken asi.+
20 Ikarik nga agbalinakto a matalek kenka,Siak ni Jehova, ket sigurado a maam-ammonakto.’+
21 ‘Iti dayta nga aldaw, sumungbatakto,’ kuna ni Jehova,‘Sungbatakto dagiti langit,Ket sungbatandanto ti daga;+
22 Ket ti daga sungbatannanto ti bukbukel ken ti baro nga arak ken ti lana;Ket sungbatandanto ti Jezreel.*+
23 Imulakto a kas bin-i iti daga,+Ipakitaakto iti asi ti babai a saan a nakaasian;*Ibagakto kadagidiay saanko a tattao:* “Dakayo ti tattaok,”+
Ket ibagadanto: “Sika ti Diosko.”’”+
Footnotes
^ Wenno “panagaramidna iti immoralidad.”
^ Lit., “pannakikamalalana manipud iti baet dagiti susona.”
^ Wenno “immoralidad.”
^ Wenno “nagaramid iti immoralidad.”
^ Wenno “immuna nga asawak.”
^ Wenno “Kapatagan.”
^ Wenno “Baal-ko.”
^ Wenno “palubosakto ida nga agbiag a natalged.”
^ Kaipapananna, “Agimulanto ti Dios iti Bin-i.”
