Oseas 5:1-15
-
Pannakaukom ti Efraim ken Juda (1-15)
5 “Denggenyo daytoy, O papadi,+Ipangagmo, O sangakabbalayan ti Israel,Umimdengkayo, O sangakabbalayan ti ari,Ta maukomkayonto;Gapu ta maysakayo a silo idiay MizpaKen iket a naipakat idiay Tabor.+
2 Nairuamen a mangpatpatay dagidiay agar-aramid iti saan nga umiso,*Ket pakpakdaarak* amin ida.
3 Am-ammok ti Efraim,Ket dinak mailemmengan ti Israel.
Ta ita, O Efraim, nagbalinka nga immoral;*Rinugitan ti Israel ti bagina.+
4 Gapu kadagiti aramidda, dida makapagsubli iti Diosda,Gapu ta kaykayatda ti agbalangkantis;*+Ken saanda a bigbigen ni Jehova.
5 Ti kinatangsit ti Israel ti ebidensia maibusor kenkuana;*+Agpadpada a naitibkol ti Israel ken Efraim iti kamalida.Naitibkol met ti Juda a kas kadakuada.+
6 Inkuyogda dagiti karnero, kalding, ken bakada a nangsapul ken Jehova,Ngem saanda a nabirokan.
Isu ket immadayo kadakuada.+
7 Saanda a nagbalin a matalek ken Jehova,+Ta nagbalinda nga amma iti ganggannaet nga annak.
Iti makabulan, madadaeldanto* agraman dagiti tawidda.*
8 Mangpuyotkayo iti tangguyob+ idiay Gibea, iti trumpeta idiay Rama!+
Agpukkawkayo a mapan makigubat idiay Bet-aven+—surotendaka, O Benjamin!
9 O Efraim, agbalinkanto a nakabutbuteng iti aldaw a madusaka.+
Impakaammokon ti sigurado a mapasamak kadagiti tribu ti Israel.
10 Dagiti prinsipe ti Juda ket kas kadagidiay mangyal-alis iti muhon.+
Ibukbokkonto kadakuada ti pungtotko kas iti danum.
11 Mairurumen ti Efraim, rumbeng laeng a mailupitlupit,Ta pinilina ti makikadua iti kabusorna.+
12 Isu a kaslaak idi iti mangdadael nga insekto iti EfraimKen banag a mangrunot iti balay ti Juda.
13 Idi nakita ti Efraim ti sakitna, ken nakita ti Juda ti nakaro a gaddilna,Napan ti Efraim idiay Asiria+ ket nangibaon kadagiti mensahero iti naindaklan nga ari.
Ngem saannaka a napaimbag,Ken dina naagasan ti nakaro a gaddilmo.
14 Ta kaslaakto iti urbon a leon iti EfraimKen kas iti napigsa a leon* iti sangakabbalayan ti Juda.
Pirsapirsayekto ida ket pumanawakto;+Alaekto ida, ket awanto ti mangisalakan kadakuada.+
15 Pumanawakto ken agsubliak iti lugarko agingga a mapadasanda dagiti bunga ti basolda,Ket kalpasanna, kayatdanto a maala ti paborko.*+
Inton agrigatda, sapulendakto.”+
Footnotes
^ Wenno “rebelde.”
^ Wenno “disiplinaekto.”
^ Wenno “makiramramanka iti prostitusion.”
^ Wenno “agaramid iti immoralidad.”
^ Lit., “iti rupana.”
^ Wenno mabalin nga, “Iti uneg ti makabulan, malamutdanto.”
^ Wenno “talonda.”
^ Wenno “burboran a bumaro a leon.”
^ Lit., “rupak.”
