Oseas 8:1-14
8 “Puyotam ti tangguyob!+
Adda kabusor nga umay a kas iti agila a dumarup iti balay ni Jehova,+Ta tinallikudanda ti tulagko+ ken sinukirda ti lintegko.+
2 Ipukpukkawda kaniak, ‘Sika ti Diosmi, dakami nga Israel, am-ammodaka!’+
3 Inlaksid ti Israel ti naimbag.+
Bay-am a kamaten ti kabusor.
4 Nangisaadda iti ar-ari nga awan pammalubosko.
Nangisaadda kadagiti prinsipe a dida man la impakada kaniak.
Nangaramidda kadagiti rebulto manipud iti pirak ken balitokda,+Nga agresulta iti pannakadadaelda.+
5 O Samaria, inlaksidko ti didiosem nga urbon a baka.+
Bimmara ti pungtotko kadakuada.+
Kaanonto nga agbalinda a nadalus manen?
6 Nagtaud dayta iti Israel.
Inaramid laeng ti tao, saan a Dios dayta;Marumrumekto ti urbon a baka a didiosen ti Samaria.
7 Ta angin ti imulmulada,Isu a bagyo ti apitenda.+
Saan a makapataud iti nabagas* a dawa dagiti mulada.+Saan a makapataud iti arina dagiti agtubo a mulada.
No adda man mapataud, kanento dagiti ganggannaet.*+
8 Ti Israel ket alun-onento ti kabusor.+
Addanto iti tengnga dagiti nasion,+Kas iti awan serserbina a malukong.
9 Ta napanda idiay Asiria+ kas iti agmaymaysa nga atap nga asno.
Nangbayad ti Efraim kadagiti agbalin a kaayan-ayatna.+
10 Uray no naggapu kadagiti nasion dagiti binayadanda,Ummongekto ida a sangsangkamaysa;Agsagabadanto+ gapu iti panangparigat ti ari ken piprinsipe.
11 Agbasbasol ti Efraim ta pinaaduna ti altarna.+
Dagiti altarna ti pakaigapuan ti panagbasolna.+
12 Insuratko para kenkuana ti adu a lintegko,*Ngem saanda nga inkaskaso.+
13 Sinagutandak kadagiti daton, ken kinnanda dagiti karne,Ngem siak ni Jehova, saanak a maragsakan kadagita.+
Lagipekto dagiti basolda ket dusaekto ida.+
Nagsublida* idiay Egipto.+
14 Linipat ti Israel ti Nangaramid kenkuana+ ket nagibangon kadagiti templo,+Pinaadu met ti Juda dagiti napaderan a siudadna.+
Ngem puorakto dagiti siudadna,Ket mauramto ti amin a torreda.”+
Footnotes
^ Wenno “nakatakder.”
^ Wenno “estranghero.”
^ Wenno “instruksionko.”
^ Wenno mabalin nga, “Agsublidanto.”
