Oseas 9:1-17
9 “Dika agragsak, O Israel.+Dika agrag-o a kas kadagiti ili.
Ta gapu iti panagbalangkantis,* immadayoka iti Diosmo.+
Maay-ayatanka kadagiti imbayadda kenka a kas balangkantis iti tunggal pagirikan iti nagapas.+
2 Awanto ti taraon nga ited kenka ti pagirikan iti nagapas ken ti pagpespesan iti ubas,Ken awanto ti inumem a baro nga arak.+
3 Saandanto nga agtultuloy nga agnaed iti daga ni Jehova,+Agsublinto ti Efraim idiay Egipto,Ken manganto iti narugit idiay Asiria.+
4 Saandanton nga agidaton iti arak ken Jehova;+Saanto a maragsakan kadagiti datonda.+
Kasladanto iti tinapay iti tiempo ti panagminatay;Marugitanto ti amin a mangan iti dayta.
Ta para laeng kadakuada dagiti tinapayda;Saanto a maiserrek iti balay ni Jehova.
5 Anianto ti aramidenyo iti aldaw ti panagtataripnong,*Iti aldaw a panangselebrar iti piesta ni Jehova?
6 Ta agtalawdanto gapu iti pannakadadael.+
Maummongdanto idiay Egipto+ ken maitanemdanto idiay Memfis.+
Agtubonto ti nasiit a mulmula kadagiti napateg a pirak a sanikuada,Ken agtubonto dagiti siitan a babassit a kayo kadagiti toldada.
7 Dumtengto dagiti aldaw ti pannakasingir,+Dumtengto dagiti aldaw ti pannakadusa,Ket maammuanto dayta ti Israel.
Agbalinto a maag ti propetada, agmauyongto ti mammadles,*Gapu iti kaadu ti basolmo ken kasta unay a gurada kenka.”
8 Ti parabantay+ iti Efraim ket natulnog idi iti Diosko.+
Ngem ti amin nga ar-aramiden dagiti propetana+ ket kas kadagiti silo ti agtiltiliw iti billit;Adda gura iti balay ti Diosna.
9 Nairuamdan nga agaramid iti bambanag a pakadadaelan, kas idi kaaldawan ti Gibea.+
Lagipennanto dagiti basolda ket dusaenna ida.+
10 “Nasarakak ti Israel a kas iti ubas iti let-ang.+
Nakitak dagidi ammayo a kas kadagiti umuna a bunga ti higos iti damo a panagbungada.
Ngem napanda ken Baal ti Peor;+Ken nagdaydayawda iti nakababain a banag,*+Ket nagbalinda a narugit a kas iti banag a pagay-ayatda.
11 Ti dayag ti Efraim ket tumayab a kas iti billit;Awan ti aganak, awan ti agsikog, ken awan ti aginaw.+
12 Uray no mangpadakkelda iti annak,Patayekto ida agingga nga awan ti mabati a tao;+Wen, kaasida pay inton tallikudak ida!+
13 Para kaniak, ti Efraim ket kas idi iti Tiro a naimula iti pagaraban,+Ngem masapul itan nga iruar ti Efraim dagiti annakna tapno mapapatayda.”
14 Itedmo, O Jehova, ti rumbeng nga itedmo kadakuada;Aanakan a maalisan ken suso nga awan gatasna.*
15 “Inaramidda idiay Gilgal ti amin a kinadakesda,+ ket sadiay a ginurak ida.
Pagtalawekto ida iti balayko gapu kadagiti dakes nga aramidda.+
Diakton pulos ayaten ida;+Nasukir ti amin a prinsipeda.
16 Ti Efraim ket mapukanto a kas iti kayo.+
Agmaganto ti ramutda, ken saanda nga agbunga.
Uray no aganakda, patayekto dagiti ipatpategda a bunga ti tianda.”
17 Laksidento ida ti Diosko,Ta saanda a dimngeg kenkuana,+Ket agakar-akardanto kadagiti nasion.+
Footnotes
^ Wenno “immoralidad.”
^ Wenno “naikeddeng a piestayo.”
^ Wenno “saan a pudno a propeta.”
^ Wenno “nakababain a dios.”
^ Wenno “a kimbet.”