Proverbio 23:1-35
23 No agtugawka a makipangan iti ari,Panunotem a naimbag ti adda iti sangom;
2 Ikkam iti kutsilio ti karabukobmo*No nalaingka a mangan.*
3 Dimo tarigagayan dagiti naimas a putahena,Tapno saanka a maallilaw.
4 Dimo ibusen ti pigsam nga agbirok iti kinabaknang.+
Sumardengka ket ipakitam ti pannakaawatmo.*
5 No kitaem dayta, awanen iti ayanna,+Ta sigurado nga agpayak a kas iti agila ket tumayab iti tangatang.+
6 Dimo kanen ti taraon ti naimut a tao;*Dimo tarigagayan dagiti naimas a putahena,
7 Ta kas iti maysa nga agilislista.*
Ibagana, “Mangan ken uminumka,” ngem kunkunana laeng.*
8 Isaruamto ti bassit a kinnanmoKet sayang ti panangapresiarmo.
9 Dika makisarita iti maysa a maag,+Ta laisennanto ti nainsiriban a sasaom.+
10 Dimo iyalis ti nabayagen a muhon+Ken dika sumrek iti talon dagiti ulila iti ama.
11 Ta napigsa ti Manangidepensa* kadakuada;Ilabannanto ti kalinteganda kontra kenka.+
12 Ipapusom ti disiplinaKen denggem ti nainsiriban a sasao.
13 Dimo igawid ti disiplina iti ubing.*+
No bautem, saanto a matay.
14 Rumbeng a bautem,Tapno maispal iti Tanem.*
15 Anakko, no agbalin a masirib ti pusom,Agragsakto met ti pusok.+
16 Agragsakto ti kaunggak*No agsaoka iti umiso.
17 Saan koma nga apalan ti pusom dagiti managbasol,+No di ket agbutengka ken Jehova iti agmalmalem,+
18 Tapno addanto masakbayam+Ket saanto a mapaay ti namnamam.
19 Dumngegka, anakko, ket agbalinka a masirib,Ken iturongmo ti pusom iti umiso a dalan.
20 Dika makikadua kadagiti managinum iti arak,+Kadagidiay narawet iti karne,+
21 Ta pumanglawto ti mammartek ken ti narawet,+Ket ti agayat iti turog agbadonto iti rigis.
22 Dumngegka ken tatangmo a nangputot kenka,Ken dimo laisen ni nanangmo gapu laeng ta baketen.+
23 Gatangem* ti kinapudno ket dimo ilaklako,+Kasta met ti sirib, disiplina, ken pannakaawat.+
24 Sigurado a naragsakto ti ama ti nalinteg;Naragsakto ti asinoman nga ama a masirib ti anakna.
25 Agragsakto ti amam ken ti inam,Ken agrag-onto ti nangyanak kenka.
26 Anakko, itedmo kaniak ti pusom,Ket maragsakan koma ti matam kadagiti dalanko.+
27 Ta ti balangkantis ket kas iti nauneg nga abut,Ken ti immoral* a babai ket kas iti nailet a bubon.+
28 Agpadaan a kas iti mannanakaw;+Paaduenna dagiti di matalek a lallaki.
29 Asino ti kakaasi? Asino ti aburido?
Asino ti makiap-apa? Asino ti agrekreklamo?
Asino ti nasugat nga awan gapgapuna? Asino ti nakudrep* ti panagkitana?
30 Dagidiay agpaut nga uminum iti arak;+Dagidiay agsapul* iti natempla nga arak.
31 Dimo kitaen ti nalabaga a kolor ti arakA sumilapsilap iti kopa ken nalamuyot nga alimonen,
32 Ta iti kamaudiananna, kumagat a kas iti uleg,Ket mangiruar iti gita a kas iti karasaen.
33 Makakitakanto iti karkarna a bambanag,Ken agsaonto ti pusom iti di umiso a bambanag.+
34 Kaslakanto nakaidda iti tengnga ti baybay,Kas iti nakaidda iti murdong ti poste ti barko.
35 Ibagamto: “Kinabildak, ngem diak narikna.*
Dinanogdak, ngem diak napuotan.
Kaanonto a makariingak?+
Kayatko pay ti uminum.”*
Footnotes
^ Wenno “Lapdam ti bagim.”
^ Wenno “No napno iti tarigagay ti kararuam.”
^ Wenno mabalin nga, “Isardengmo ti agtalek iti pannakaawatmo.”
^ Wenno “ti asinoman a dakes ti matana.”
^ Wenno “agkuenkuenta iti kararuana.”
^ Lit., “awan kenka ti pusona.”
^ Lit., “Manangispal.”
^ Wenno “agtutubo.”
^ Lit., “dagiti batok.”
^ Wenno “Gun-odem.”
^ Wenno “nalidem.”
^ Wenno “agurnong a mangraman.”
^ Wenno “awan sakit a nariknak.”
^ Wenno “Sapulekto manen dayta.”
