Salmo 11:1-7
Iti direktor. Salmo ni David.
11 Ni Jehova ti nagkamangak.+
Isu nga apay nga ibagayo kaniak:
“Tumayabka a kas iti billit a mapan iti bantaymo!
2 Kitaem no kasano nga isagana dagiti managdakdakes ti bai ti panada;Ipaturongda dayta iti puntiriada,Manipud iti nasipnget a disso, panaenda dagiti tattao a nalinteg ti pusoda.
3 No marba dagiti pundasion ti hustisia,Ania ti maaramidan dagiti nalinteg a tattao?”
4 Adda ni Jehova iti nasantuan a templona.+
Adda idiay langit ti trono ni Jehova.+
Kitkitaen ken suksukimaten dagiti nasiput* a matana dagiti tattao ditoy daga.+
5 Suksukimaten ni Jehova dagiti nalinteg ken dagiti nakillo;+Kagurana ti asinoman a mangay-ayat iti kinaranggas.+
6 Kadagiti managdakdakes, pagtuduenna iti silo;*Apuy, asupre,+ ken makasinit nga angin ti pangdusana kadakuada.
7 Ta nalinteg ni Jehova;+ dagiti nalinteg nga aramid ti ayatenna.+
Dagiti nalinteg makitadanto ti rupana.*+
Footnotes
^ Wenno “naraniag.”
^ Wenno mabalin a, “dumardarang a beggang.”
^ Wenno “maawatdanto ti paborna.”
