Salmo 144:1-15
Salmo ni David.
144 Maidaydayaw koma ni Jehova a Dakkel a Bato+ a pagkamangak,A mangsansanay kadagiti imak para iti gubat,Ken kadagiti ramayko para iti gerra.+
2 Isu ti napudno nga ayatko ken salaknibko,Ti natalged a pagkamangak ken mangisalakan kaniak,Ti kalasagko ken Daydiay nagkamangak,+Daydiay mangparparmek kadagiti iturturayak.+
3 O Jehova, ania ti tao tapno panunotem,Ti anak ti tao tapno asikasuem?+
4 Ti tao ket kasla sang-aw laeng;+Dagiti aldawna ket kas iti aglabas nga anniniwan.+
5 O Jehova, ipababam* ti langitmo ket bumabaka koma;+Sagidem dagiti bantay ken pagasukem ida.+
6 Pagkimatem ken iwarawaram dagiti kalaban;+Ibiatmo dagiti panam ken tikawem ida.+
7 Iyunnatmo dagita imam manipud iti ngato;Alawennak ken isalakannak iti nadawel a danum,Iti ima* dagiti ganggannaet,+
8 Nga agsasao iti saan nga agpaysoKen mangingato iti makannawan nga imada tapno agsapatada iti ulbod.*
9 O Dios, kantaankanto iti baro a kanta.+
Kantaankanto iti panangidaydayaw* nga akompaniaran ti instrumento a sangapulo ti kuerdasna,
10 Iti Daydiay mangpangabak* iti ar-ari,+Daydiay nangsalaknib iti adipenna a ni David iti mangpapatay nga espada.+
11 Alawennak ken isalakannak iti ima dagiti ganggannaet,Nga agsasao iti saan nga agpaysoKen mangingato iti makannawan nga imada tapno agsapatada iti ulbod.
12 Tapno ti annakmi a lallaki ket agbalin a kas kadagiti mula nga alisto a dumakkel,Dagiti annakmi a babbai ket kas kadagiti adigi a mangpapintas iti palasio,
13 Mapnonto dagiti bodegami iti amin a kita ti apit;Umadunto iti rinibu ken iti pinullo a ribu ti arban iti tay-akmi.
14 Awanto ti dakes a mapasamak* kadagiti masikog a bakami wenno saandanto a maalisan;Awanto ti agsangit kadagiti plasami gapu iti rigat.
15 Naragsak ti ili a kasta ti kasasaadna!
Naragsak ti ili a ni Jehova ti Diosna!+
Footnotes
^ Wenno “pilkuem.”
^ Wenno “panangpetpet.”
^ Lit., “Ken ti makannawan nga imada ket makannawan nga ima ti kinaulbod.”
^ Wenno “Agputarakto iti musika.”
^ Wenno “mangisalakan.”
^ Wenno “ti madangran.”
