Salmo 150:1-6
150 Idaydayawyo ni Jah!*+
Idaydayawyo ti Dios iti nasantuan a dissona.+
Idaydayawyo iti tangatang a mangpaneknek iti pigsana.+
2 Idaydayawyo gapu kadagiti nakaskasdaaw nga aramidna.+
Idaydayawyo gapu iti kasta unay a kinanaindaklanna.+
3 Puyotenyo ti tangguyob+ a mangidaydayaw kenkuana.
Usarenyo ti pagtokar nga adda kuerdasna ken arpa+ a mangidaydayaw kenkuana.
4 Usarenyo ti pandereta+ ken agsalakayo.*
Usarenyo ti pagtokar nga adda kuerdasna+ ken ti plauta*+ a mangidaydayaw kenkuana.
5 Batingtingenyo ti piangpiang a mangidaydayaw kenkuana.
Usarenyo ti naaweng a piangpiang+ a mangidaydayaw kenkuana.
6 Tunggal agang-anges a parsua—idaydayawna koma ni Jah.
Idaydayawyo ni Jah!*+
Footnotes
^ Wenno “Hallelujah!” Ti “Jah” ket napaababa a porma ti nagan a Jehova.
^ Lit., “agsalakayo iti sirkulo.”
^ Wenno “pito.”
^ Wenno “Hallelujah!” Ti “Jah” ket napaababa a porma ti nagan a Jehova.
