Salmo 34:1-22
Salmo ni David, idi nagimbabagtit+ iti sango ni Abimelec a nangpapanaw kenkuana isu a nagtalaw.
א [Alef]
34 Idaydayawko ni Jehova iti amin a tiempo;Kanayon nga iyebkasko ti panangidaydayawko.
ב [Beth]
2 Ipagpannakkelko ni Jehova;+Mangngegto dagiti naemma ket maragsakanda.
ג [Gimel]
3 Itan-oktayo ni Jehova,+Agkakaduatayo a mangidaydayaw iti naganna.
ד [Daleth]
4 Immawagak ken Jehova ket sinungbatannak,+
Inispalnak iti amin a pagbutbutngak.+
ה [He]
5 Rimmagsak dagidiay nagtalek kenkuana;Saanda a naibabain.
ז [Zayin]
6 Immawag daytoy a marigrigat, ket dimngeg ni Jehova.
Insalakanna iti amin a rigatna.+
ח [Heth]
7 Bambantayan ti anghel ni Jehova dagidiay agbuteng iti Dios,+Ket isalakanna ida.+
ט [Teth]
8 Nanamenyo ken kitaenyo a ni Jehova ket naimbag;+Naragsak ti tao nga agkamang kenkuana.
י [Yod]
9 Dakayo amin a nasantuan, agbutengkayo ken Jehova,Ta saan nga agkurang iti aniaman dagidiay agbuteng kenkuana.+
כ [Kaf]
10 Nabisinan uray dagiti napigsa a bumaro a leon,*Ngem saan nga agkurang iti aniaman a nasayaat dagidiay mangsapsapul ken Jehova.+
ל [Lamed]
11 Umaykayo, annakko, dumngegkayo kaniak;Isurok kadakayo ti panagbuteng ken Jehova.+
מ [Mem]
12 Asino kadakayo ti maragragsakan iti biagKen mayat a makakita iti adu a nasayaat nga aldaw?+
נ [Nun]
13 Igawidmo ngarud ta dilam iti panagsao iti dakes,+Ken dagiti bibigmo iti panagsao iti makaallilaw.+
ס [Samekh]
14 Adaywam ti dakes ken aramidem ti naimbag;+Sapulem ti kappia ken surotem dayta.+
ע [Ayin]
15 Nakaturong dagiti mata ni Jehova kadagiti nalinteg,+Ken denggen dagiti lapayagna ti panagpatulongda.+
פ [Pe]
16 Ngem busoren ti rupa ni Jehova dagidiay agar-aramid iti dakes,Tapno pukawenna ti amin a pakalaglagipan kadakuada ditoy daga.+
צ [Tsade]
17 Imkisda, ket nangngeg ida ni Jehova,+Insalakanna ida iti amin a rigatda.+
ק [Qof]
18 Asideg ni Jehova kadagiti nasaktan ti pusoda;+Isalakanna dagidiay nadudog ti espirituda.*+
ר [Resh]
19 Adu ti rigat* daydiay nalinteg,+Ngem manipud amin kadagita, isu ket ispalen ni Jehova.+
ש [Shin]
20 Amin a tulangna ket salsalakniban ti Dios;Awan uray maysa ti natukkol.+
ת [Taw]
21 Dagiti managdakdakes ket matayto iti didigra;Dagidiay manggurgura kadagiti nalinteg ket makedngan a nakabasol.
22 Subboten ni Jehova ti biag* dagiti adipenna;Awanto ti masarakan a nakabasol kadagidiay agkamang kenkuana.+
Footnotes
^ Wenno “burboran a bumaro a leon.”
^ Wenno “maup-upay.”
^ Wenno “kalamidad.”
^ Wenno “kararua.”
