Salmo 37:1-40
-
Sumayaatto ti kasasaad dagidiay agtalek ken Jehova
Salmo ni David.
א [Alef]
37 Dika agpungtot* gapu kadagiti dakes a tattaoWenno umapal kadagiti agar-aramid iti dakes.+
2 Nagbiitda a magango a kas iti ruot+Ken malaylay a kas iti kattubo a ruot.
ב [Beth]
3 Agtalekka ken Jehova ket agaramidka iti naimbag;+Agnaedka iti daga, ket agtignayka a simamatalek.+
4 Agragsakka unay ken Jehova,Ket itednanto kenka dagiti tarigagay ti pusom.
ג [Gimel]
5 Agpaidalanka* ken Jehova;+Agpannurayka kenkuana, ket tulongannakanto.+
6 Pagraniagennanto ti kinalintegmo a kas iti lawag ti agsapa,Ken ti kinahustisiam a kas iti init iti tengnga ti aldaw.
ד [Daleth]
7 Agulimekka iti sanguanan ni Jehova+Ken agurayka a sigagagar* kenkuana.
Saanka koma a masuron iti taoNga agballigi a mangibanag kadagiti dakes a planona.+
ה [He]
8 Dika agunget ken dika agpungtot;+Dika masuron ken dika agaramid iti dakes.*
9 Ta madadaelto dagiti managdakdakes,+Ngem dagidiay mangin-inanama ken Jehova kukuadanto ti daga.+
ו [Waw]
10 Iti saanen a mabayag, awanton dagiti managdakdakes;+Kitaemto ti dati nga ayanda,Ket awandanton.+
11 Ngem dagiti naemma kukuadanto ti daga,+Ken maragragsakandanto unay iti naruay a talna.+
ז [Zayin]
12 Agplano ti dakes a tao maibusor iti nalinteg;+Isu ket agngarngariet maibusor kenkuana.
13 Ngem katawaanto ni Jehova,Ta ammona nga addanto met la aldaw nga agpatingga.+
ח [Heth]
14 Asuten dagiti managdakdakes dagiti espadada ken ibiatda dagiti panadaTapno itumbada dagiti maikuskuspil ken marigrigat,Tapno patayenda dagidiay nalinteg ti dalanna.
15 Ngem ti espadada ti mangduyokto iti mismo a pusoda;+Matukkotukkolto dagiti panada.
ט [Teth]
16 Nasaysayaat ti bassit a sanikua ti nalintegNgem iti naruay a sanikua ti adu a managdakdakes.+
17 Ta matukkolto ti takiag dagiti managdakdakes,Ngem tulonganto ni Jehova dagiti nalinteg.
י [Yod]
18 Ammo ni Jehova ti mapaspasaran dagiti awan pakababalawanna,*Ket agnanayonto ti tawidda.+
19 Saandanto a maibabain iti tiempo ti didigra;Iti tiempo ti nakaro a bisin, nagadunto ti taraonda.
כ [Kaf]
20 Ngem matayto dagiti managdakdakes;+Madadaelto dagiti kabusor ni Jehova a kas kadagiti naraber a pagipastoran;Agpukawdanto a kas iti asuk.
ל [Lamed]
21 Ti dakes a tao ket umutang ngem saan nga agbayad,Ngem ti nalinteg ket naparabur* ken manangted.+
22 Dagidiay binendisionan ti Dios kukuadanto ti daga,Ngem madadaelto dagidiay inlunodna.+
מ [Mem]
23 Iturong* ni Jehova dagiti addang ti maysa a tao+No maragsakan ti Dios iti dalanna.+
24 Uray no matuang, saanto a mapakleb,+Ta ti ima ni Jehova ti mangtengngel kenkuana.+
נ [Nun]
25 Sipud idi ubingak agingga ita a lakayakon,Diak pay nakakita iti asinoman a nalinteg a nabaybay-an,+Wenno uray dagiti annakna nga agsapsapul iti tinapay.*+
26 Kanayon a sibubulos ti riknana nga agpautang,+Isu a mabendisionan dagiti annakna.
ס [Samekh]
27 Adaywam ti dakes ken aramidem ti naimbag,+Ket agbiagkanto iti agnanayon.
28 Ta ayaten ni Jehova ti kinahustisia,Ket dinanto baybay-an dagiti napudno kenkuana.+
ע [Ayin]
Kanayonto a salaknibanna ida;+Ngem madadaelto ti annak dagiti managdakdakes.+
29 Dagiti nalinteg kukuadanto ti daga,+Ket agyandanto iti dayta iti agnanayon.+
פ [Pe]
30 Ti ngiwat ti nalinteg ket mangipakaammo iti sirib,*Ket maipapan iti hustisia ti ibagbaga ti dilana.+
31 Ti linteg ti Diosna ti adda iti pusona;+Saanto a maigalis dagiti addangna.+
צ [Tsade]
32 Ti managdakdakes sipsiputanna ti nalintegKet pangpanggepenna a patayen.
33 Ngem saan a baybay-an ni Jehova ti nalinteg iti ima ti managdakdakes,+Dinanto met sentensiaan a nakabasol inton isu ket maukom.+
ק [Qof]
34 Manginanamaka ken Jehova ket surotem ti dalanna,Ket itan-oknakanto a mangtagikua iti daga.
Inton madadael dagiti managdakdakes,+ makitamto dayta.+
ר [Resh]
35 Nakitak ti naulpit ken dakes a taoA bumilbileg a kas iti narangpaya a kayo iti daga a nagtubuanna.+
36 Ngem pagammuan ta natay ket awanen;+Binirbirokko ngem diakon nasarakan.+
שׁ [Shin]
37 Siputam daydiay awan pakababalawanna,*Ken paliiwem daydiay nalinteg,+Ta ti masanguanan dayta a tao ket natalna.+
38 Ngem amin a nasukir ket madadaelto;Awanto ti masakbayan dagiti dakes a tattao.+
ת [Taw]
39 Dagiti nalinteg ket isalakan ni Jehova;+Iti tiempo ti rigat, Isu ti pagkamanganda.+
40 Tulongan ken ispalento ida ni Jehova.+
Gapu ta nagkamangda kenkuana,Kadagiti dakes a tattao, ispalen ken isalakanna ida.+
Footnotes
^ Wenno “bumara.”
^ Lit., “Itulidmo ti dalanmo.”
^ Wenno “siaanus.”
^ Wenno mabalin a, “Dika masuron ta agbanag laeng dayta iti pannakadangran.”
^ Lit., “ti al-aldaw dagiti awan pakababalawanna.”
^ Wenno “mangipakpakita iti pabor.”
^ Wenno “Patibkeren.”
^ Wenno “taraon.”
^ Wenno “mangibaga iti sirib iti nakapsut a timek.”
^ Wenno “daydiay agtultuloy nga awan pagkuranganna.”
