Salmo 44:1-26
Iti direktor. Salmo ti annak ni Kore.+ Maskil.*
44 O Dios, nangngeg dagiti mismo a lapayagmi,Ines-estoria kadakami dagidi ammami+Dagiti inar-aramidmo idi sibibiagda,Kadagiti aldaw idi un-unana.
2 Babaen ti imam, pinapanawmo dagiti nasion,+Ket pinagnaedmo sadiay dagidi ammami.+
Pinarmekmo dagiti nasion ken pinagtalawmo ida.+
3 Saan a gapu iti bukodda nga espada a natagikuada ti daga,+Saan met a gapu iti mismo a pigsada a nagballigida.+
No di ket gapu iti makannawan nga imam+ ken iti takiagmo ken iti lawag ti rupam,Ta naragsakanka kadakuada.+
4 Sika ti Arik, O Dios.+
Ibilinmo* ti naan-anay a panagballigi* ni Jacob.
5 Babaen ti pannakabalinmo, paatrasenmi dagiti kalabanmi;+Babaen ti naganmo, ilugeslugesmi dagiti rumaut a kabusormi.+
6 Ta saanak nga agtalek iti panak,Dinak met maisalakan ti espadak.+
7 Sika ti nangisalakan kadakami kadagiti kalabanmi,+Imbabainmo dagiti gumurgura kadakami.
8 Agmalmalem nga idaydayawmi ti Dios,Ken agnanayon nga agyamankami iti naganmo. (Selah)
9 Ngem binaybay-annakami ken imbabainnakami,Ket saanka a kumuyog kadagiti armadami.
10 Pagat-atrasennakami manipud kadagiti kalabanmi;+Dagidiay gumurgura kadakami aramidenda ti kaykayatda kadakami.
11 Itednakami kadagiti kabusor a kas man la karnero a pagtaraonda;Inwarawaranakami iti amin a suli ti daga.+
12 Ilakom dagiti tattaom iti nagbaba a presio,+Awan man la ti maganansiam iti paglakuam.*
13 Ipalubosmo nga umsiendakami dagiti kaarrubami,Lalaisen ken uy-uyawendakami ti amin nga adda iti aglawlawmi.
14 Aramidennakami a pagkakatawaan* dagiti nasion,+Ket wingwingiwingandakami dagiti tattao.
15 Agmalmalem a mariknak a matagtagibassitak,Ket malmalmesak iti bain,
16 Gapu iti mangmangngegmi a pananguyaw ken pananginsultoda,Gapu iti agibalbales a kabusormi.
17 Napasaranmi amin dagitoy, ngem saandaka latta a nalipatan,Ken saanmi a sinukir ti tulagmo.+
18 Saan a simmiasi ti pusomi;Nagtalinaed dagiti addangmi iti dalanmo.
19 Ngem impalubosmo a maparmekkami iti pagnanaedan dagiti chakal;Kinumotannakami iti napuskol a kinasipnget.
20 No nalipatanmi koma ti nagan ti Diosmi,Wenno sabali a dios ti nagdaydayawanmi,
21 Saan ngata a maammuanto daytoy ti Dios?
Ammona dagiti sekreto ti puso.+
22 Maigapu kenka, kanayon a maipaspasangokami ken patay;Naibilangkami a kas kadagiti karnero a maparti.+
23 Bumangonka. Apay a matmaturogka latta, O Jehova?+
Agriingka! Dinakami baybay-an iti agnanayon.+
24 Apay a taltallikudannakami?
Apay a baybay-annakami a maparparigat ken mairurrurumen?
25 Ta natumbakami iti katapokan;Napaklebkami iti daga.+
26 Bumangonka ket tulongannakami!+Isalakannakami* gapu iti napudno nga ayatmo.+
Footnotes
^ Wenno “Ipaaymo.”
^ Wenno “naindaklan a pannakaisalakan.”
^ Wenno “presioda.”
^ Lit., “proverbio.”
^ Lit., “Subbotennakami.”
