Salmo 50:1-23
Kanta ni Asaf.+
50 Nagsao ni Jehova,*+ ti Dios dagiti dios;Aw-awaganna ti daga,Manipud iti ileleggak ti init agingga iti ilelennekna.*
2 Agranraniag ti Dios manipud idiay Sion, a nakaitampokan ti kinapintas.+
3 Umayto ti Diostayo ket sigurado nga agtignay.+
Adda mangibus nga apuy iti sanguananna,+Iti aglawlawna, adda napigsa a bagyo a kakuykuyogna.+
4 Aw-awaganna ti langit ken ti daga,+Tapno ukomenna dagiti tattaona:+
5 “Paumayenyo kaniak dagiti napudno kaniak,Dagidiay makitultulag kaniak babaen ti panagdatonda.”+
6 Iwarwaragawag ti langit ti kinalintegna,Ta ti Dios a mismo ket Ukom.+ (Selah)
7 “Dumngegka, O ilik, ta agsaoak;Israel, mangsaksiak maibusor kenka.+
Siak ti Dios, ti Diosmo.+
8 Saanka a tubngaren gapu kadagiti datonmo,Wenno gapu kadagiti sibubukel a daton a mapuoran a kanayon nga ipapaaymo kaniak.+
9 Diak kasapulan ti mangala iti baka iti balaymo,Wenno kadagiti kalding* iti pagtaraknam.+
10 Ta kukuak ti tunggal atap nga animal iti bakir,+Ken uray dagiti animal kadagiti rinibu a bambantay.
11 Ammok ti tunggal billit iti kabambantayan;+Kukuak ti nakaad-adu nga animal iti kataltalonan.
12 No mabisinak, saanko nga ibaga kenka,Ta kukuak ti nabunga a daga ken ti amin nga adda iti dayta.+
13 Kanekto aya ti karne dagiti bakaKen inumekto aya ti dara dagiti kalding?+
14 Ti koma panagyamanmo ti idatonmo iti Dios,+Ket tungpalem dagiti karim iti Kangatuan;+
15 Awagannak iti tiempo ti rigat.+
Isalakankanto ket idaydayawnakto.”+
16 Ngem ibaganto ti Dios iti daydiay managdakdakes:
“Adda aya kalintegam a mangibinsabinsa kadagiti regulasionko+Wenno agsao maipapan iti tulagko?+
17 Ta kaguram ti disiplina,*Ken saanmo a sursuroten dagiti ibagbagak.*+
18 No makakitaka iti agtatakaw, ayonam ti ar-aramidenna,*+Ken makikadkaduaka kadagiti mannakikamalala.
19 Us-usarem ti ngiwatmo nga agiwaras iti dakes,Ken naruam ta dilam a mangallilaw.+
20 Agtugawka tapno isarsaritam ti pakaibabainan ti mismo a kabsatmo;+Es-estoriaem dagiti kamali* ti mismo a kabsatmo.
21 Diak la nagun-uni idi inaramidmo dagitoy,Isu nga impagarupmo a kaslaak kenka.
Ngem ita, tubngarenka,Ket iparupak kenka dagiti basolmo.+
22 Pangngaasim ta panunotem daytoy, sika a nanglipat iti Dios,+Tapno saanka a rangrangkayen ket awan ti mangisalakan kenka.
23 Idaydayawnak daydiay mangipapaay iti panagyaman a kas datonna kaniak,+Ken daydiay mangsursurot iti kasta met laeng a dalan,Ipakitakto kenkuana ti panangisalakan ti Dios.”+
Footnotes
^ Wenno “Ti Maysa a Nasantuan, Dios a Jehova.”
^ Wenno “Manipud daya agingga iti laud.”
^ Lit., “kalakian a kalding.”
^ Lit., “ipurpuruakmo ti sasaok iti likudam.”
^ Wenno “instruksion.”
^ Wenno mabalin a, “makikaduaka kenkuana.”
^ Wenno “Padpadaksem.”
