Salmo 96:1-13
96 Kantaanyo ni Jehova iti baro a kanta.+
Kantaanyo ni Jehova, dakayo amin iti daga!+
2 Kantaanyo ni Jehova, idaydayawyo ti naganna.
Inaldaw nga iwaragawagyo ti naimbag a damag ti panangisalakanna.+
3 Ipakaammoyo ti dayagna kadagiti nasion,Dagiti nakaskasdaaw nga aramidna iti amin a tattao.+
4 Naindaklan ni Jehova ken maikari unay a maidaydayaw.
Ad-adda a nakaskasdaaw ngem iti amin a sabali a dios.
5 Awan serserbi ti amin a dios dagiti tattao;+Ngem ni Jehova ti nangaramid iti langit.+
6 Iti ayanna, adda kinadayag* ken kinangayed;+Iti santuariona, adda pigsa ken kinapintas.+
7 Idaydayawyo ni Jehova, dakayo a pamilia dagiti tattao,Idaydayawyo ni Jehova gapu iti dayag ken pigsana.+
8 Itedyo ken Jehova ti dayag a maikari iti naganna;+Mangitugotkayo iti sagut ket sumrekkayo iti paraanganna.
9 Agruknoykayo* ken Jehova a nakasuotkayo iti nasantuan a bado;*Agbutengkayo kenkuana, dakayo amin iti daga!
10 Ipakaammoyo kadagiti nasion: “Nagbalinen nga Ari ni Jehova!+
Natibker ti pannakaipasdek ti daga,* saan a magaraw.*
Patas ti panangukomna kadagiti* tattao.”+
11 Agragsak koma ti langit, ken agrag-o koma ti daga;Agdaranudor koma ti baybay ken ti amin nga adda iti dayta;+
12 Agrag-o koma dagiti talon ken ti amin nga adda kadagita.+
Siraragsak met koma nga agpukkaw ti amin a kayo iti kabakiran+
13 Gapu ken Jehova, ta um-umayen,*Um-umayen a mangukom iti daga.
Nalinteg ti panangukomnanto iti mapagnaedan a daga*+Matalek ti panangukomnanto kadagiti tattao.+
Footnotes
^ Wenno “dignidad.”
^ Wenno mabalin a, “gapu iti kinangayed ti kinanasantuanna.”
^ Wenno “Agdaydayawkayo.”
^ Wenno “nabunga a daga.”
^ Wenno “magunggon.”
^ Wenno “panangirupirna iti kalintegan dagiti.”
^ Wenno “dimtengen.”
^ Wenno “nabunga a daga.”
