Un-unnoy 3:1-66
א [Alef]
3 Siak ti tao a nakakita iti rigat gapu iti sarukod ti pungtotna.
2 Pinaruarnak ken pinapagnanak iti sipnget, saan nga iti lawag.+
3 Kinapudnona, maulit-ulit a kinabilnak iti agmalmalem.+
ב [Beth]
4 Rinunotna ti lasag ken kudilko;Tinukkolna dagiti tulangko.
5 Pinalawlawannak; pinalikmutannak iti napait a sabidong+ ken panagrigat.
6 Pinilitnak nga agtugaw kadagiti nasipnget a lugar, kas iti tattao a nabayagen a natay.
ג [Gimel]
7 Pinalikmutannak iti pader, tapno diak makalibas;Kinawarannak iti nadagsen a posas a gambang.+
8 Linaksidna* ti kararagko idi nagpatulongak.+
9 Sinerraanna ti danak iti natikap a batbato;Pinagbalinna a killokillo ti dalanko.+
ד [Daleth]
10 Nagur-uray a mangtambang kaniak a kas iti oso, kas iti leon nga aglemlemmeng.+
11 Inikkatnak iti dalanko ket rinangrangkaynak;*Pinagbalinnak a langalang.+
12 Imbiatna* ti panana, ket siak ti puntiriana.
ה [He]
13 Sinalputna dagiti batok* babaen kadagiti pana* iti pagkargaanna.
14 Nagbalinak a pagkakatawaan ti amin a tattao, siak ti agmalmalem nga ikankantada.
15 Pinunnonak iti napait a bambanag ken pinainumnak iti mula nga ajenjo.+
ו [Waw]
16 Tinippinganna ti ngipenko babaen iti graba;Indumudomnak iti dapdapo.+
17 Impaidammo kaniak* ti talna; nalipatak ti naimbag.
18 Isu a kinunak: “Napukawen ti kinadaegko, kasta met ti namnamak ken Jehova.”
ז [Zayin]
19 Lagipem ti panagrigatko ken ti kaawan ti pagtaengak,+ ti ajenjo ken ti napait a sabidong.+
20 Sigurado a malagipmonto ket agrukobkanto kaniak.+
21 Nalagipko daytoy iti pusok; isu nga agan-anusakto nga aguray.+
ח [Heth]
22 Gapu iti napudno nga ayat ni Jehova, saantayo pay a natay,+Ta saan nga agpatingga dagiti asina.+
23 Binigat a mangipakita iti asi;+ kanayon a matalek.+
24 “Ni Jehova ti bingayko,”+ kinunak, “isu nga agan-anusakto nga aguray kenkuana.”+
ט [Teth]
25 Naimbag ni Jehova iti daydiay mangnamnama kenkuana,+ iti tao* a mangbirbirok kenkuana.+
26 Nasayaat ti aguray a siuulimek*+ iti panangisalakan ni Jehova.+
27 Nasayaat nga agawit iti sangol ti maysa a tao bayat nga agtutubo pay.+
י [Yod]
28 Bay-am nga agmaymaysa nga agtugaw ken agulimek no ipabaklay ti Dios dayta kenkuana.+
29 Bay-am nga isubsobna ti rupana iti tapok;+ mabalin nga adda pay namnama.+
30 Bay-am nga itayana ti pingpingna iti mangkabil kenkuana; bay-am a main-insulto.
כ [Kaf]
31 Ta saannatayto a baybay-an ni Jehova iti agnanayon.+
32 Nupay pinagladingitnatayo, kaasiannatayto met maitunos iti dakkel a napudno nga ayatna.+
33 Ta iti pusona, dina kayat a parigaten wenno pagladingiten ti annak ti tattao.+
ל [Lamed]
34 Ti panangipayatpayat iti amin a balud iti daga,+
35 Ti panangipaidam iti hustisia iti maysa a tao iti sanguanan ti Kangatuan,+
36 Ti panangsaur iti kaso ti maysa a tao,—Saan a panuynoyan ni Jehova ti kasta a bambanag.
מ [Mem]
37 Asino ngarud ti makaibaga ken makaaramid iti dayta malaksid no ibilin ni Jehova?
38 Iti ngiwat ti Kangatuan,Saan nga aggiddan a rummuar ti dakes ken naimbag a bambanag.
39 Apay koma nga agreklamo ti sibibiag a tao iti bunga ti basolna?+
נ [Nun]
40 Sukimaten ken usigentayo koma dagiti dalantayo,+ ket agsublitayo ken Jehova.+
41 Naimpusuan nga agpakaasitayo iti Dios idiay langit ken ingatotayo ti imatayo, ket ibagatayo:+
42 “Nagbasol ken nagrebeldekami,+ ket saanka a nangpakawan.+
ס [Samekh]
43 Sipupungtot a sinerraam ti iyaasidegmi,+Kinamat ken pinapataynakami nga awanan asi.+
44 Binangenam iti ulep ti iyaasidegmi kenka, tapno saan a makadanon ti kararagmi.+
45 Pinagbalinnakami a rugit ken basura iti tengnga dagiti ili.”
פ [Pe]
46 Pinagsasawandakami ti amin a kabusormi.+
47 Kanayon a mabuteng ken masiluankami,+ ket nabaybay-an ken nadadaelkami.+
48 Agar-arubos ti lulua iti matak gapu iti pannakadadael ti anak a babai ti ilik.+
ע [Ayin]
49 Kanayon nga agsangsangitak, saanak nga agsarsardeng,+
50 Agingga a kumita ni Jehova ket tuman-aw manipud langit.+
51 Nagladingitak gapu iti nakitak a napasamak iti amin nga annak a babbai ti siudadko.+
צ [Tsade]
52 Awan gapgapuna a siniluandak dagiti kabusorko a kas iti billit.
53 Pinadasda a pagpatinggaen ti biagko iti abut; ginaburandak iti batbato.
54 Nagayus ti danum iti ulok, ket kinunak: “Sigurado a matayakon!”
ק [Qof]
55 Inawagak ti naganmo, O Jehova, manipud iti kaunegan nga abut.+
56 Denggem ti timekko; dimo apputen ti lapayagmo iti panagdawatko iti tulong ken bang-ar.
57 Immasidegka idi aldaw nga inawaganka. Kinunam: “Dika agbuteng.”
ר [Resh]
58 Indepensam ti kalintegak,* O Jehova, sinubbotmo ti biagko.+
59 Nakitam, O Jehova, ti dakes a naaramid kaniak; pangngaasim ta ipaayannak iti hustisia.+
60 Nakitam ti amin a panagibalesda, ti amin a dakes a panggepda kaniak.
ש [Sin] wenno [Shin]
61 Nangngegmo ti pananginsultoda, O Jehova, ti amin a dakes a panggepda kaniak,+
62 Ti bibig dagiti bumusbusor kaniak ken ti agmalmalem a panagiinnarasaasda maibusor kaniak.
63 Kitaem ida; agtugawda man wenno agtakderda, lalaisendak kadagiti kantada!
ת [Taw]
64 Balsemto ida, O Jehova, maitunos iti aramidda.
65 Patangkenemto ti pusoda, kas panangilunodmo kadakuada.
66 Kamatemto ida gapu iti ungetmo, O Jehova, ket ibusem ida iti baba ti langit.
Footnotes
^ Wenno “Linapdanna; Sinerraanna.”
^ Wenno mabalin a, “binay-anna nga awan maar-aramidak.”
^ Lit., “Impayatna.”
^ Iti Ingles, “kidney.”
^ Lit., “annak.”
^ Wenno “iti kararuak.”
^ Wenno “kararua.”
^ Wenno “siaanus.”
^ Wenno “dagiti kaso ti kararuak.”
