Pakasaritaan Dagiti Saksi ni Jehova iti Moderno a Tiempo

Moldova

Iti nasurok nga 60 a tawen, nagsagaba dagiti Saksi ni Jehova iti Moldova iti sidong ti monarkia ti Romania, rehimen a Fascista, ken rehimen a Komunista. Iti sidong ti monarkia ken rehimen a Fascista, ti Orthodox Church dinegdeganna ti pakarigatan. Nupay kasta, ti Moldova ita ti maysa kadagiti kangatuan ti ratio iti bilang dagiti Saksi no idilig iti populasion! Basaem no kasano a pinabileg ni Jehova ti amin nga agbuteng kenkuana ken pinagballigina ti amin a di sumuko iti panagbuteng iti tao.

Ti Dua a Congo

Ania ti kaipapanan kenka ti sao a “Congo”? Kadagiti adu a tattao, ipalagipna dagiti ladawan ti nagpudot a kabakiran, a nakapuspuskol nga uray la di makadanon iti daga ti silnag ti init. Iti sidong ti agkakanat nga uni dagiti bakes ken tumatayab, mangngegmo ti uni dagiti tambor nga adda mensahe nga ipasimudaagda manipud kadagiti adayo nga away. Nalabit mabukel iti panunotmo ti ladawan ti maysa a dakkel ken nalibeg a karayan, nga agsikkosikko a sibabannayat kas iti nagdakkel nga uleg a lumasat iti tengnga ti Africa. Kastoy amin ti kasasaad ti Congo ken saan la a dayta. Pagranudan ti dua a pagilian ti nagan ti karayan a namagsina kadagita. Mapabileg ti pammatim bayat a basaem no kasano nga insaknap dagiti natured a lallaki ken babbai ti kinapudno iti Biblia iti amin a paset daytoy nakaay-ayat a deppaar ti daga.