Pakasaritaan Dagiti Saksi ni Jehova iti Moderno a Panawen

Tahiti

Dagiti isla ti French Polynesia, a pakairamanan ti Tahiti, ket maibilang kadagiti isla a kapipintasan iti lubong. Agpada dagiti dumadaniw ken mannurat a nangiladawan kadagitoy a kas paraiso. Ngem rumangrang-ay ti napimpintas pay a paraiso kadagitoy a natalna ken napintas nga isla iti Pacifico. Ammuem no kasano a naipasdek daytoy napatpateg a paraiso ken no kasano nga agtultuloy nga agpatpataud iti nawadwad a bunga a pakaidayawan ni Jehova.

Guyana

“Pagilian ti Dandanum” ti kaipapanan ti nagan a Guyana. Maitutop daytoy a nagan gapu kadagiti agsasanga a karayan iti pagilian, nga adu kadagitoy ti agserbi a paglasatan a mapan kadagiti purok ken ili. Basaem no kasano nga inusar dagiti Saksi ni Jehova dagiti nakungkongan a bilog, magaudan a bilog, ken bilog a paandaren ti sengngaw tapno maiturong iti “nabiag a danum” kadagiti umili a nagduduma ti pulida iti daytoy a pagilian, ti kakaisuna nga agus-usar iti Ingles a pagilian iti Abagatan nga America.​—Juan 4:10.

Iceland

Nakapimpintas a pagilian ti Iceland, a naisaad iti abagatan la bassit ti Arctic Circle, nga adayo iti tropiko. Dagiti nagdadakkel a yelo, bulkan, ken bambantay ti mangarkos iti daytoy a kabambantayan a pagilian. Ngem masarakan ti di maartapan a kinapintas kadagiti tattao nga agserserbi ken Jehova. Iti daytoy a salaysay, maammuam no kasano a sinarakusok ken inibturan dagiti adipen ti Dios dagiti narigat a kasasaad tapno iranudda kadagiti sabsabali ti kinapudno a masarakan iti Biblia.