Pakasaritaan Dagiti Saksi ni Jehova iti Moderno a Panawen

South Africa

Dinekdekada a napagsisina dagiti tattao iti daytoy a pagilian saan laeng a babaen ti lenguahe no di ket babaen pay ti linteg. Dagiti nainget a paglintegan dagiti puli ti mangidiktar no sadino ti pagnaedan, papanan, pagtrabahuan, ken pageskuelaan ti maysa a tao. Iti daytoy a salaysay, mabasamto no kasano a dagiti Saksi ni Jehova rimmang-ayda iti naespirituan ken nataginayonda ti nabileg a panagkaykaysa iti laksid ti diskriminasion, panamaglalasinlasin, ken riribuk iti pagilianda.

Latvia

Kabayatan ti naranggas a panawen dagiti Komunista, kasano a naliklikan ti sumagmamano a Saksi ti pannakatiliwda? Apay a kinuna ti maysa a lalaki: “Agyamanak ta impalubos ti Dios a maipanak iti kampo a pagtrabahuan”? Ken ania ti napasamak idi a ti maysa a kampeon iti weight-lifting inawatna ti kinapudno iti Biblia? Maammuamto iti daytoy a salaysay nga iti laksid ti dinekdekada a pannakaidadanes, ti ili ti Dios idiay Latvia ket addaan iti wayawaya​—naespirituan a wayawaya.

Réunion

Idi 1961, nangrugi ti trabaho iti daytoy a tropikal nga isla idi simmangpet ti maysa a pamilia a Saksi. Kitaem no kasano ti panangasikasoda kadagiti interesado iti naimbag a damag. Basaem no kasano a ti sangamalukong a sopas tinignayna ti maysa a bumusbusor a dumngeg iti ili ti Dios. Ken ammuem no apay a ti uppat a natured a manangiwaragawag iti Pagarian napanda iti nasulinek a lansad ti natayen a bulkan.