Kapkapadasan Dagiti Saksi ni Jehova Iti Moderno a Panawen

Uganda

Dagiti taga-Uganda a mabisbisin iti kinapudno inibturanda ti karirigatan a panawen iti pakasaritaan daytoy a pagilian. Kitaem no kasanoda nga inangay dagiti gimong iti nawayang a lugar ken uray idi naiparit dagiti aktibidadda. Ammuem no ania ti kayat a sawen ti Obwakabaka bwa Katonda ken no kasano nga ikaykaysanaka daytoy kadagitoy a matalek a kakabsat.

Albania

Kasano a naitultuloy ti pudno a panagdaydayaw idi naiparit ti aktibidad dagiti amin a relihion? Nagtalinaed ngata a natibker dagiti kakabsattayo uray no adu nga oras a naparparigatda iti kasta unay? Ania ti imbalakad ti maysa a matalek a kabsat a dandanin matay kadagiti agtutubo a kakabsat a lallaki nga adda posibilidadna a maibalud? Ammuem ti sungbat dagitoy a saludsod iti daytoy makapabileg iti pammati a salaysay maipapan iti kinasungdo ken kinatarnaw.

Belize

Dagiti napakumbaba ken nagagaget nga adipen ni Jehova indauloda ti panangisuro iti kinapudno iti daytoy a pagilian a nagpupuniponan ti adu a kultura. Ammuem no ania ti napasamak iti “the Battlefield” (Paggugubatan), ken kitaem no ania ti inaramid dagiti Saksi ni Jehova idi dimmupar ti narungsot a bagyo a Hattie. Ken basaem ti maipapan iti panaglayag dagiti kakabsat a mapan mangasaba iti nangayed a Belize Barrier Reef.