Teksto iti Tawen 2011

‘Agkamang iti nagan ni Jehova.’​—SOFONIAS 3:12.

“Ti intero a sangaparsuaan agtultuloy nga agas-asug a sangsangkamaysa ken agpapaut-ot a sangsangkamaysa agingga ita.” (Roma 8:22) Saan a mailibak ti kinapudno dagita a naipaltiing a sasao. Minilion a tattao ti nabiktima iti kinaawan hustisia, panangirurumen, kalamidad, sakit, kinapanglaw, gubat, ken krimen. Uray datayo nga agserserbi ken Jehova mapaspasarantayo met dagita. Kas ken Jesus, aglak-amtayo met iti pannakaumsi, pananggura, ken pannakaidadanes.

Iti laksid dagiti parikut iti lubong ni Satanas, saantayo a mapukawan iti namnama. Imbes ketdi, maragsakantayo a makaammo nga iti din agbayag, pagpatinggaenton ni Jehova ti amin a panagsagaba ditoy daga. Mangnamnama ken agtalektayo iti Diostayo. Wen, agkamangtayo ken Jehova, ta pulos a saannanto a paayen dagiti nasungdo kenkuana.