Teksto iti Tawen 2012

“Ti saom ket kinapudno.”​—JUAN 17:17.

Anian a yamantayo ta ti kinapudno ket impalgak kadatayo ti naayat a nailangitan nga Amatayo! Ipakita kadatayo ti Saona ti kasayaatan a wagas ti panagbiag ken no kasano a naan-anay a magunggonaantayo iti biag. Salaknibannatayo manipud kadagiti barengbareng ken makadangran a kalat, wayawayaannatayo kadagiti narelihiosuan a kinaulbod, ken ipaayannatayo iti pudpudno a talna ti panunot. Ikkanna ti kaipapanan ti biagtayo ita ken ipaayannatayo iti nakaskasdaaw a namnama iti masanguanan.

Ti kinapudno ikaykaysanatayo kadagiti minilion a kakabsattayo iti intero a daga. Kapatgan iti amin, ti kinapudno iti Biblia isuronatayo maipapan ken Jehova ken ipakitana no kasano a makaadanitayo kenkuana. Ditay koma pulos tagtagilag-anen dagiti impaay kadatayo ni Jehova. Pagragsakantayo koma ti kinapudno ken agpaiwanwantayo iti dayta kadagiti amin a daldalantayo.