Agarup 100 a tawenen ti napalabas, ni Jehova dinutokanna ni Jesus kas Ari iti di makita a langlangit. Sipud idin, sireregta nga ipakpakaammon dagiti adipen ti Dios dagiti bendision nga ipaay ti Pagarian ni Kristo. Wen, babaen ti naayat a panangituray ni Jesus, agbalinto a paraiso ti daga, a pagnaedan dagiti pudpudno nga agiinnayat a tattao. Awanton ti krimen, gubat, sakit, panagsagaba, ken ipapatay.

Asidegen a sagrapentayo dagitoy a bendision. Agpaypayso ti Pagarian ti Dios. Umayto ken itungpalna ti amin a pinanggep ni Jehova. Ikararagyo nga umay koma ti Pagarian, ibagayo iti sabsabali, ken tagipatgenyo ti namnama nga ipaayna kadakayo.