No Kasano nga Usaren Daytoy a Broshur

Nadisenio daytoy a broshur kas maysa a kurso ti panagadal iti Biblia. Kasano nga usaren daytoy? Isingasingmi ti sumaganad a programa: Iti pangrugian ti tunggal leksion, adda dagiti saludsod. Iti uneg ti parentesis kalpasan ti tunggal saludsod, masarakanyo ti numero dagiti parapo a pakasarakan kadagiti sungbat. Basaenyo nga umuna amin a saludsod. Utobenyo ida. Kalpasanna basaenyo ti tunggal parapo, ken kitaenyo dagiti kasuratan iti Bibliayo. No nalpasyon ti maysa a leksion, sublianyo dagiti saludsod ket padasenyo a lagipen ti sungbat ti Biblia iti tunggal saludsod. No nalpasyon ti intero a broshur, sublianyo ket repasuenyo amin a saludsod.