Makin-uneg nga Akkub

Patgenmi nga Agbasbasa:

Insurat ni masirib nga Ari Solomon: “Agrag-oka, agtutubo a lalaki, iti kinaagtutubom, ket ta pusom agaramid koma kenka iti naimbag kadagiti aldaw ti kinaagtutubom, ket magnaka iti daldalan ta pusom ken iti bambanag a nakita dagita matam.” (Eclesiastes 11:9) No ubingka pay, mabalin a makapainteres ken nakaay-ayat unay ti biag, ket kayatmi a tagiragsakem dayta. Ngem idagadagmi nga aramidem dayta iti wagas a makaay-ayo ken Jehova a Dios. Pulos a dimo koma liplipatan a makitkitana ti ar-aramidem ket ukomennakanto sigun kadagiti aramidmo. Anian a nainsiriban ngarud no surotem ti kanayonan a balakad ni Solomon: “Lagipem, itan, ti Naindaklan a Namarsuam kadagiti aldaw ti kinaagtutubom.”​—Eclesiastes 12:1.

Sipapasnek nga ikarkararagmi a ti impormasion iti daytoy a publikasion tulongannaka a mangdaer kadagiti karit ken sulisog a pakaipaspasanguan dagiti agtutubo ita ken ipakitana kenka no kasano ti mangaramid kadagiti desision a maitunos iti pagayatan ti Dios. No aramidem dayta, maparagsakmo ti puso ni Jehova.​—Proverbio 27:11.

Bagi a Manarawidwid Dagiti Saksi ni Jehova