Manipud Egipto nga Agturong iti Naikari a Daga

ITI sadinoman, nalatak ti estoria maipapan iti Ipapanaw dagiti Israelita idiay Egipto. Ngem ania ti napasamak ken ni Moises ken iti ili ti Dios idi nakaballasiwdan idiay Nalabaga a Baybay? Sadino ti napananda, ken kasanoda a nakagteng idiay Karayan Jordan tapno makastrekda iti Naikari a Daga?

Idiay Canaan idi ti papananda, ngem saan a sinurot ni Moises ti kaasitgan a ruta​—agarup 400 kilometro a lumasat iti kadaratan a kosta​—a dumiretso koma idiay Filistia a teritoria dagiti kabusor. Saan met a limmasat iti nakalawlawa a sentro ti Peninsula ti Sinai, a sadiay napalalo ti kinapudot dagiti graba ken tisa a bato. Imbes ketdi, inturong ni Moises dagiti tattao iti abagatan, iti nailet a tanap iti igid ti baybay. Idiay Mara ti immuna a nagpakarsuanda. Sadiay, pinasam-it ni Jehova ti napait a danum. * Idi nakapanawdan idiay Elim, nagtanabutob dagiti tattao gapu iti taraon; nangyeg ti Dios kadagiti pugo sa manna. Idiay Refidim, nagbalin manen nga isyu ti danum. Naparmek sadiay dagiti rimmaut nga Amalekita, ken sadiay nga indagadag ti katugangan ni Moises nga agpatulong kadagiti makabael a lallaki.​—Ex, kapitulo 15-18.

Kalpasanna, inturong ni Moises dagiti Israelita iti kabambantayan iti ad-adayo pay nga abagatan, ket nagpakarsoda iti sakaanan ti Bantay Sinai. Sadiay, inawat ti ili ti Dios ti Linteg, binangonda ti tabernakulo, ken nagdatonda. Iti maikadua a tawen, nagpaamiananda a limmasat iti “dakkel ken nakaam-amak a let-ang.” Agparang a 11 nga aldaw ti panagdaliasatda nga agturong idiay Cades (Cades-barnea). (De 1:1, 2, 19; 8:15) Gapu ta nagbutengda iti negatibo a padamag dagiti sangapulo nga espia, nagalla-alla dagiti Israelita iti 38 a tawen. (Nu 13:1–14:34) Karaman ti Abrona ken Ezion-geber kadagiti nagpakarsuanda, ket kalpasanna nagsublida idiay Cades.​—Nu 33:33-36.

Idi umas-asidegen ti Israel iti Naikari a Daga, saan a dimmiretso dagiti Israelita iti amianan. Linawlawda ti sentro ti Edom sada nagpaamianan “iti dalan ti ari,” ti Kalsada ti Ari. (Nu 21:22; De 2:1-8) Narigatan ti intero a nasion a mangsurot iti daytoy a desdes gapu ta addaanda kadagiti ubbing, animal, ken tolda. Nasken a sumalog ken sumang-atda kadagiti napeggad nga igid ti derraas​—idiay Zered ken Arnon (gistay 520 metro ti kaunegna).​—De 2:13, 14, 24.

Kamaudiananna, nakagteng dagiti Israelita idiay Bantay Nebo. Natay ni Miriam idiay Cades, ket ni Aaron idiay Bantay Hor. Natay ni Moises idi matantannawagannan ti daga a tinartarigagayanna a maserrek. (De 32:48-52; 34:1-5) Naited ken Josue ti responsabilidad a mangidaulo iti Israel a sumrek iti naikari a daga, a namagpatingga iti 40 a tawen a panagdaliasatda.​—Jos 1:1-4.

[Footnote]

[Kahon iti panid 8]

DAGITI LIBRO TI BIBLIA ITI DAYTOY A TIEMPO:

Genesis

Exodo

Levitico

Numeros

Deuteronomio

Job

Dagiti Salmo (pasetna)

 [Mapa iti panid 9]

(Para iti aktual a pannakaurnosna, kitaem ti publikasion)

Ruta ti Ipapanaw

Ti Ruta ti Israel

A7 EGIPTO

A5 Rameses?

B5 Succot?

C5 Etham?

C5 Pihahirot

D6 Mara

D6 Elim

E6 LET-ANG TI SIN

E7 Dofca

F8 Refidim

F8 Bty. Sinai (Horeb)

F8 LET-ANG TI SINAI

F7 Kibrot-hataava

G7 Hazerot

G6 Rimmon-perez

G5 Rissa

G3 Cades

G3 Bene-jaacan

G5 Hor-hagidgad

H5 Jotbata

H5 Abrona

H6 Ezion-geber

G3 Cades

G3 LET-ANG TI ZIN

H3 Bty. Hor

H3 Zalmona

I3 Punon

I3 Iye-abarim

I2 MOAB

I1 Dibon

I1 Almon-diblataim

H1 Jerico

[Dadduma pay a disso]

A3 GOSEN

A4 On

A5 Memfis (Nof)

B3 Zoan

B3 Tapanhes

C5 Migdol

D3 SUR

D5 LET-ANG TI ETHAM

F5 LET-ANG TI PARAN

G1 FILISTIA

G1 Asdod

G2 Gaza

G2 Beer-seba

G3 Azmon

G3 NEGEB

H1 Jerusalem

H1 Hebron (Kiriat-arba)

H2 Arad (Canaanita)

H4 SEIR

H4 EDOM

I7 MIDIAN

Dagiti Kangrunaan a Dalan

Dalan nga agturong iti Daga Dagiti Filisteo

Dalan nga agturong iti Sur

I4 Dalan ti Ari

Ruta ti Bunggoy Dagiti Biahero

Ruta ti El Haj

[Bambantay]

F8 Bty. Sinai (Horeb)

H3 Bty. Hor

I1 Bty. Nebo

[Dandanum]

E2 Baybay Mediteraneo (Dakkel a Baybay)

D7/G7 Nalabaga a Baybay

I1 Asin a Baybay

[Karayan ken waig]

A6 Karayan Nilo

F3 N.G. ti Egipto

I2 Arnon

I3 Zered

[Ladawan iti panid 8]

Binallasiw ti bunggoy dagiti Biahero ti Peninsula ti Sinai

[Ladawan iti panid 8]

Nagpakarso ti Israel iti sakaanan ti Bantay Sinai

[Ladawan iti panid 9]

Adda dandanum idi kadagiti ubbog idiay Cades wenno iti asidegna

[Ladawan iti panid 9]

Nasken a lasaten idi dagiti Israelita ti naapres a ginget ti Arnon