Ni Jesus “Idiay Pagilian Dagiti Judio”

IDI kinasabaanna ni Cornelio, dinakamat ni apostol Pedro dagiti inaramid ni Jesus “idiay pagilian dagiti Judio ken idiay Jerusalem.” (Ara 10:39) Panagkunam aniada a lugar ti karaman iti nakallalagip a ministerio ni Jesus?

Ti “pagilian dagiti Judio” ramanenna ti Judea, a nangaramidan ni Jesus iti dadduma kadagiti trabaho nga impaaramid ti Dios. (Lu 4:44) Kalpasan ti pannakabautisarna, binusbos ni Jesus ti 40 nga aldaw idiay let-ang ti Juda (wenno Judea), maysa a natikag ken langalang a rehion a paglemlemmengan dagiti rebelde ken tulisan. (Lu 10:30) Di nagbayag, agturong nga agpaamianan ni Jesus manipud Judea idi kasabaanna ti maysa a Samaritana iti asideg ti Sicar.​—Jn 4:3-7.

No repasuentayo dagiti Ebanghelio, ipakitada nga idiay Galilea ti nangnangruna a nangaskasabaan ni Jesus. Nupay nagpaabagatan idiay Jerusalem tapno tumabuno kadagiti tinawen a piesta, binusbosna ti kaaduan a paset ti immuna a dua a tawen a ministeriona iti makin-amianan a paset ti Naikari a Daga. (Jn 7:2-10; 10:22, 23) Kas pagarigan, adu ti insaona a naisangsangayan a pannursuro ken nagaramid kadagiti nakaskasdaaw a milagro bayat nga adda iti asideg wenno iti mismo a Baybay ti Galilea. No malagipmo, pinaglinakna ti nadawel a dandanum ti baybay ken nagna pay iti rabawna. Bayat a sisasakay kadagiti barangay, kinaskasabaanna ti adu a tattao nga adda iti igid dayta a baybay. Dagiti nasinged a pasurotna idi un-unana ket naggapuda kadagiti kabangibang a komunidad dagiti mangngalap ken mannalon.​—Mr 3:7-12; 4:35-41; Lu 5:1-11; Jn 6:16-21; 21:1-19.

Kabayatan ti ministerio ni Jesus idiay Galilea, agnanaed idi iti igid ti baybay idiay Capernaum, iti “mismo a siudadna.” (Mt 9:1) Nakapuesto idi ni Jesus iti bakras ti maysa a turod a saan unay a pangadaywen idi impaayna ti nalatak a Sermonna iti Bantay. Addada tiempo a nagbarangay ni Jesus manipud Capernaum a napan idiay Magadan, Betsaida, wenno kadagiti kabangibang a lugar.

No kitaem, ti ‘mismo a siudad’ ni Jesus ket saan unay nga adayo manipud Nazaret, ti lugar a dimmakkelanna; manipud Cana, a sadiay inaramidna nga arak ti danum; manipud Nain, a nangpagungaranna iti anak ti maysa a balo; ken manipud Betsaida, a babaen iti milagro pinakanna sadiay ti 5,000 a tattao ken pinaimbagna ti bulsek a lalaki.

Kalpasan ti Paskua idi 32 K.P., nagpaamianan ni Jesus idiay Tiro ken Sidon, a puerto ti Fenicia. Kalpasanna insaknapna ti ministeriona iti dadduma kadagiti sangapulo a siudad ti Grecia a maawagan iti Decapolis. Idiay asideg ti Cesarea Filipos (F2) ti ayan ni Jesus idi binigbig ni Pedro nga isu ti Mesias. Di nagbayag, napasamak ti panagbalbaliw ti langa ni Jesus, nalabit idiay Bantay Hermon. Kalpasanna, nangaskasaba ni Jesus iti rehion ti Perea, iti ballasiw ti Jordan.​—Mr 7:24-37; 8:27–9:2; 10:1; Lu 13:22, 33.

Binusbos ni Jesus ti maudi a lawasna ditoy daga a kaduana dagiti adalanna idiay Jerusalem, “ti siudad ti naindaklan nga Ari,” ken iti aglawlawna. (Mt 5:35) Makitam ditoy dagiti kabangibang a lugar a nabasam kadagiti Ebanghelio, a kas ti Emmaus, Betania, Betfage, ken Betlehem.​—Lu 2:4; 19:29; 24:13; kitaem ti naisingit a “Jerusalem” iti panid 18.

 [Mapa iti panid 29]

(Para iti aktual a pannakaurnosna, kitaem ti publikasion)

Naikari a Daga (Kaaldawan ni Jesus)

Ti Daga Idi Kaaldawan ni Jesus

Dagiti Siudad ti Decapolis

E5 Hippo(s)

E6 Pella

E6 Scythopolis

F5 Gadara

F7 Gerasa

G5 Dion

G9 Filadelfia

H1 Damasco

H4 Raphana

I5 Canatha

Dagiti Kangrunaan a Dalan (Kitaem ti publikasion)

Kadawyan a Ruta iti Nagbaetan ti Galilea ken Jerusalem (Kitaem ti publikasion)

Sabali pay a Ruta iti Nagbaetan ti Galilea ken Jerusalem, a Lumasat iti Perea (Kitaem ti publikasion)

A11 Gaza

B6 Cesarea

B8 Joppe

B9 Lidda

B12 Beer-seba

C4 Tolemaida

C8 SAMARIA

C8 Antipatris

C8 Arimatea

C9 Emmaus

C10 JUDEA

C11 Hebron

C12 IDUMEA

D1 Sidon

D2 Tiro

D3 FENICIA

D4 GALILEA

D4 Cana

D5 Sepphoris

D5 Nazaret

D5 Nain

D7 Samaria

D7 Sicar

D9 Efraim

D9 Betfage

D9 Jerusalem

D9 Betania

D10 Betlehem

D10 Herodium

D10 LET-ANG TI JUDA

D12 Masada

E4 Corazin

E4 Betsaida

E4 Capernaum

E4 Magadan

E5 Tiberias

E5 Hippo(s)

E6 Betania? (ballasiw ti Jordan)

E6 Scythopolis

E6 Pella

E6 Salim

E6 Enon

E9 Jerico

F1 ABILINIA

F2 Cesarea Filipos

F4 Gamala

F5 Abila?

F5 Gadara

F7 PEREA

F7 Gerasa

G3 ITUREA

G5 Dion

G6 DECAPOLIS

G9 Philadelphia

H1 Damasco

H3 TRACONITE

H4 Rafana

H12 ARABIA

I5 Canatha

[Bambantay]

D7 Bty. Ebal

D7 Bty. Gerizim

F2 Bty. Hermon

[Dandanum]

B6 Baybay Mediteraneo (Dakkel a Baybay)

E4 Baybay ti Galilea

E10 Asin a Baybay (Natay a Baybay)

[Karayan]

E7 Karayan Jordan

[Karayan ken waig]

D7 Bubon ni Jacob

[Ladawan iti panid 28]

Baybay ti Galilea. Ti Capernaum ket adda iti makinsango a kannigid. Naipakita ditoy ti abagatan a laud agingga iti Tanap ti Genesaret

[Ladawan iti panid 28]

Nagdaydayaw dagiti Samaritano idiay Bantay Gerizim. Ti Bantay Ebal ket adda iti likudan