Makinlikud nga Akkub

TI MODERNO A LUBONG addaan iti adu unay a parikut. Masinasina dagiti panagasawa. Nasaknap ti kinaranggas iti pamilia. Ginasgasut a milion dagiti agbisbisin. Nasaknap ti krimen. Narigat a ragpaten ti talna ken talged. Apay a kastoy ti lubong? Adda kadi aniaman a solusion? Saan laeng a mangipaay ti Biblia iti sungbat kadagitoy a saludsod no di ket mangipaay met iti giya iti inaldaw a panagbiag. No kasta, saan aya a rumbeng nga interesadotayo iti kuna ti Biblia?

Ipapan ti dadduma a tattao a ti Biblia ket nagpupuniponan laeng ti sarsarita, estoria, ken sirib dagiti lallakay. Nupay kasta, dadduma matmatanda ti Biblia kas naipaltiing a Sao ti Dios. Ania kadagita a panangmatmat ti umiso? Daytoy a libro, Ti Biblia—Saot’ Dios wenno iti Tao?, tulongannakayo a mangsungbat iti dayta a saludsod. Iyawismi a dakayo a mismo ti mangusig kadagiti pammaneknek. Ti panangaramidyo iti dayta mabalin a balbaliwanna ti biagyo iti agnanayon.