Baliwbaliwam ti kapigsa ti bosesmo. Papigsaem ti bosesmo tapno mairuar dagiti napateg a punto ken matignay dagiti agdengdengngeg. Kasta ti aramidem no basaem dagiti panangukom iti Biblia. Pakapsutem ti bosesmo tapno paggagarem ida wenno tapno ipariknam ti buteng wenno panagdanag.

Baliwbaliwam ti tonom. No maitutop iti lengguaheyo, ingatom ti tonom tapno maipakitam ti kinaganaygay, wenno ti kadakkel wenno distansia. Ibabam met ti tonom tapno mayebkasmo ti panagladingit wenno panagdanag.

Baliwbaliwam ti kapartakmo. Iparpartakmo ti agsao tapno maipariknam ti kinagagar. Iyin-inayadmo ti agsao no ibagam dagiti importante a punto.