ADALEN 16
Makapabileg ken Positibo
TI ARAMIDEM:
-
Positibo koma ti panangmatmatmo kadagiti agdengdengngeg. Agtalekka a kayat dagiti kapammatiam a paragsaken ni Jehova. Uray no masapul a mangbalakadka, naimpusuan a mangkomendarka pay nga umuna no posible.
-
Limitaram ti negatibo nga impormasion. Iramanmo laeng ti negatibo nga impormasion no kasapulan iti topikom. Positibo koma ti intero a pakabuklan ti presentasionmo.
-
Usarem a naimbag ti Sao ti Dios. Ipaganetgetmo ti inaramid, ar-aramiden, ken aramidento ni Jehova para iti sangatauan. Paregtaem ken pabilgem dagiti agdengdengngeg.