Introduksion iti Seksion 12
Insuro ni Jesus kadagiti tattao ti maipapan iti Pagarian ti langit. Insurona met nga ikararagda a madaydayaw ti nagan ti Dios, umay ti Pagarianna, ken maaramid ti pagayatanna ditoy daga. No maysaka a nagannak, ilawlawagmo iti anakmo ti epektona kadatayo dayta a kararag. Saan nga impalubos ni Jesus a madadael ni Satanas ti kinamatalekna. Nangpili ni Jesus kadagiti apostol, ket nagbalinda a kaunaan a miembro ti Pagarian, ken nagpateg ti akemda iti dayta. Iyunay-unaymo ti kinaregta ni Jesus para iti pudno a panagdayaw. Gapu ta kayat ni Jesus a tulongan ti sabsabali, pinaimbagna dagiti masakit, pinakanna dagiti mabisin, ken pinagungarna pay dagiti natay. Babaen kadagitoy a milagro, impakitana no anianto ti aramiden ti Pagarian para kadagiti tattao.
ITI DAYTOY A SEKSION
LEKSION 74
Nagbalin ni Jesus a Mesias
Ania ti kayat a sawen ti imbaga ni Juan a ni Jesus ti Kordero ti Dios?
LEKSION 75
Sinubok ti Diablo ni Jesus
Namitlo a sinubok ti Diablo ni Jesus. Ania ti tallo a pannulisogna? Ania ti inaramid ni Jesus?
LEKSION 76
Dinalusan ni Jesus ti Templo
Apay a pinaruar ni Jesus dagiti animal iti templo ken imbaliktadna dagiti lamisaan dagiti agsuksukat iti kuarta?
LEKSION 77
Ti Babai iti Bubon
Nasdaaw ti maysa a Samaritana idi nakisarita ni Jesus kenkuana. Apay? Ania ti imbaga ni Jesus kenkuana a dina pay imbagbaga iti sabali?
LEKSION 78
Inkasaba ni Jesus ti Maipapan iti Pagarian
Inawis ni Jesus ti dadduma nga adalanna nga agbalin a “mangngalap iti tattao.” Idi agangay, sinanayna ti 70 a pasurotna a mangikasaba iti naimbag a damag.
LEKSION 79
Nagaramid ni Jesus iti Adu a Milagro
Sadinoman ti napananna, nagpatulong kenkuana dagiti masakit ket pinaimbagna ida. Pinagungarna pay ti maysa a balasitang.
LEKSION 80
Nangpili ni Jesus iti Sangapulo ket Dua nga Apostol
Apay a nangpili kadagiti apostol? Malagipmo kadi dagiti naganda?
LEKSION 81
Ti Sermon iti Bantay
Nangisuro ni Jesus kadagiti napateg a leksion kadagiti naguummong a tattao.
LEKSION 82
Sinuruan ni Jesus Dagiti Adalanna nga Agkararag
Ania ti bambanag nga imbagana nga itultuloy a dawaten dagiti adalanna?
LEKSION 83
Nangpakan ni Jesus iti Rinibu a Tattao
Ania ti maadaltayo maipapan ken Jesus ken ni Jehova iti daytoy a milagro?
LEKSION 84
Nagna ni Jesus iti Danum
Mapanunotmo kadi ti narikna dagiti apostol idi nakitada daytoy a milagro?
LEKSION 86
Pinagungar ni Jesus ni Lazaro
Nagsangit ni Jesus idi nakitana nga agsangsangit ni Maria. Ngem di nagbayag, nasukatan iti ragsak dagiti luada.