LEKSION 8
Nagtulnog da Abraham ken Sara iti Dios
Iti saan unay nga adayo iti Babel, adda siudad a naawagan iti Ur. Agdaydayaw dagiti tattao sadiay iti adu a dios, saan a ken Jehova. Ngem adda maysa a lalaki idiay Ur nga agdaydayaw laeng ken Jehova. Abraham ti naganna.
Kinuna ni Jehova ken Abraham: ‘Panawam ti lugarmo ken dagiti kabagiam, ket mapanka iti lugar nga ipakitakto kenka.’ Kalpasanna, inkari ti Dios: ‘Pagbalinenkanto a dakkel a nasion ket bendisionakto ti adu a tattao iti intero a lubong gapu kenka.’
Saan nga ammo ni Abraham no sadino ti pangibaonan kenkuana ni Jehova, ngem nagtalek ken Jehova. Isu a nagtulnog ni Abraham, ni Sara nga asawana, ni Tare a tatangna, ken ni Lot a kaanakanna, ket insaganada dagiti bambanag a kasapulanda sa nagbiaheda iti adayo.
tungpalen ni Jehova ti karina?
Agtawen ni Abraham iti 75 idi nakadanonda iti lugar a kayat ni Jehova nga ipakita kadakuada. Naawagan dayta iti daga ti Canaan. Nakisarita ti Dios ken Abraham iti dayta a lugar ket inkarina: ‘Itedkonto kadagiti annakmo ti amin a daga nga adda iti aglawlawmo.’ Ngem lakayen ni Abraham ken baket metten ni Sara ket awan pay anakda. Kasano ngarud a“Gapu iti pammati ni Abraham, nagtulnog idi naibaon a mapan iti lugar nga agbalinto a tawidna; napan uray no saanna nga ammo ti papananna.”—Hebreo 11:8