Paset 7
Ti Panagungar ni Jesus Inggana ti Pannakaibalud ni Pablo
Iti maikatlo nga aldaw kalpasan ipapatayna, napagungar ni Jesus ket nagparang kadagiti paspasurotna iti lima a nagduduma a daras. Iti 40 nga al-aldaw, nagparparang kadakuada, sa immuli sadi langit. Sangapulo nga aldaw kalpasanna, imparukpok ti Dios ti nasantuan nga espiritu kadagiti paspasurot ni Jesus nga agur-uray Jerusalem.
Iti kamaudiananna, naibalud dagiti apostoles, ngem ti anghel winayawayaanna ida. Ni Esteban ti inubor dagiti bumusbusor agingga a natay. Maysa kadagitoy a bumusbusor, ti pinili ni Jesus kas espesial nga adipenna ket nagbalin nga apostol Pablo. Sa, tallo ket gudua a tawen kalpasan ipapatay ni Jesus, nangaskasaba ni Pedro iti di Judio, ni Cornelio.
Agarup 13 a tawen iti kamaudiananna rinugian ni Pablo ti umuna a panagdaliasatna a nangaskasaba. Adu ti makaparagsak a kapadasan ni Pablo a nagserserbi iti Dios agingga, nga, naibalud idiay Roma. Dua a tawen kalpasanna isut’ nawayawayaan. Kalpasanna imbaludda manen, ken pinatayda. Ti PASET 7 saklawenna ti periodo nga agangay 32 a tawtawen.
ITI DAYTOY A SEKSION
ESTORIA 102
Nabiag ni Jesus
Kalpasan nga inikkat dagiti anghel ti bato a rikep ti tanem ni Jesus, nakigtot dagiti soldado iti nakitada iti uneg.
ESTORIA 103
Iti Sipupunit a Kuarto
Apay a kalpasan a napagungar ni Jesus, saan a nailasin isuna dagiti adalanna?
ESTORIA 104
Ni Jesus Nagsubli Idiay Langit
Sakbay a nagpalangit ni Jesus, inikkanna dagiti adalanna iti maudi a bilin.
ESTORIA 105
Panaguray Idiay Jerusalem
Apay nga imbukbok ni Jesus ti nasantuan nga espiritu kadagiti adalanna idi Pentecostes?
ESTORIA 106
Naibulos iti Pagbaludan
Impaibalud dagiti Judio a lider ti relihion dagiti apostol tapno sumardengda a mangasaba. Ngem adda inaramid ti Dios.
ESTORIA 107
Inuborda ni Esteban
Bayat ub-uborenda, agkarkararag ni Esteban. Ania ti naisangsangayan nga inkararagna?
ESTORIA 108
Iti Dalan Agturong Damasco
Gapu iti makabulag a lawag ken boses manipud langit, nagbalbaliw ti biag ni Saulo.
ESTORIA 109
Ni Pedro Sarungkaranna ni Cornelio
Ibilang kadi ti Dios a nangatngato ti maysa a nasion wenno puli ngem iti dadduma?
ESTORIA 110
Timoteo—Katulongan ni Pablo
Pinanawan ni Timoteo ti balayda tapno makiraman iti makapagagar a panangasaba iti nagduduma a lugar.
ESTORIA 111
Ti Ubing a Nakatuglep
Nakaturog ni Eutico bayat ti umuna a palawag ni Pablo ngem saanen iti maikadua. Adda napasamak a milagro iti nagbaetan ti dua a palawag.
ESTORIA 112
Pannakaisadsad iti Isla
Idi kasla awanen ti namnama, nakaawat ni Pablo iti mensahe manipud iti Dios a nangted kenkuana iti namnama.
ESTORIA 113
Ni Pablo Idiay Roma
Kasano a naaramid ni Pablo ti trabahona kas apostol bayat a nakabalud?