PASET 8
Ti Ipadpadto ti Biblia Pumaysoda
Ti Biblia saanna laeng itden ti pudno nga estoria ti napalabas, ngem ibagana met ti masanguanan. Isu nga ammotayo a ti Biblia naggapu iti Dios. Aniat’ kuna ti Biblia iti masanguanan?
Ibagana maipapan ti dakkel a gubat ti Dios. Iti daytoy a gubat, dalusan ti Dios ti daga iti amin a kinadakes, ngem salaknibanna ti ad-adipenna. Ti ari ti Dios, ni Jesu-Kristo, kitaenna a tagiragsakento dagiti adipen ti Dios ti talna, ragsak, salun-at ken biag nga agnanayon.
Maragsakantayo a mangaramidto ti Dios ti baro a paraiso ditoy daga, saan kadi? Ngem masapul nga agtignaytayo no kayattayo ti agbiag iti daytoy a paraiso. Gapuna a basaenyo ti PASET 8 ket ammuenyo ti aramidentayo, ken ti impadto ti Biblia iti masanguanan.
ITI DAYTOY A SEKSION
ESTORIA 114
Ti Panungpalan Amin a Kinadakes
Apay nga imbaon ti Dios ti buyotna nga idauluan ni Jesus a makigubat iti Armagedon?
ESTORIA 115
Baro a Paraiso iti Daga
Nagbiag dagiti tattao idi iti paraiso a daga, ken mapasamakto manen dayta.
ESTORIA 116
Kasano nga Agbiagtayo ti Agnanayon
Umanay kadin nga am-ammotayo laeng ni Jehova ken ni Jesus? No saan, ania pay ti masapul?