Usigenyo daytoy a panaggidiat: Iti maysa a narang-ay a pagilian, nasurok a 90 a porsiento kadagiti tattao ti agkuna a nakaragragsakda wenno naragsakda uray kaskasano. Ngem 3 kadagiti 10 nga agas a nasaknap a maus-usar iti dayta a pagilian ti naireseta para kadagiti malmaldaangan. Iti dayta met la a pagilian, 91 a porsiento kadagiti tattao ti agkuna a makapnek ti biag ti pamiliada. Kaskasdi, agarup kagudua kadagiti pagassawaan sadiay ti agtungpal iti diborsio!

Kinapudnona, ti maysa a surbey kadagiti tattao iti 18 a pagilian, a mangibagi iti agarup kagudua ti populasion ti lubong, iparipiripna nga “adu a paset ti lubong ti naabbungotan iti kinaawan namnama iti masanguanan.” Nalawag ngarud a saan a makapnek ti biag ti adu a tattao. Dakayo ngay? Naimaldit daytoy a broshur tapno tumulong kadakayo a maaddaan iti pudpudno a makapnek a biag.