Ania ti napateg nga akem dagiti manangaywan iti sirkito iti kongregasion Kristiano? Ania dagiti bendision a tagiragsakentayo no sidadaantayo a mangawat kadagiti nateokratikuan nga annongen? Iti pannakirinnason kadagiti makasabaantayo, kasanotayo a mausar a sieepektibo ti Kasuratan, ken apay a nasken a makibagaytayo kadagiti dumngeg kadatayo? Maammuantayo ti sungbat dagitoy ken dagiti dadduma pay a saludsod bayat a makipagbiahetayo iti maikadua a panagdaliasat ni apostol Pablo kas misionero.