MAIKADUA A SEKSION
“Rinugitanyo ti Santuariok”—Narugitan ti Nadalus a Panagdaydayaw
NAKAISENTRUANNA: Dumakes ti espiritual ken moral a kasasaad ti Juda ken Jerusalem
Inayat ken inaywanan ni Jehova dagiti Israelita kas ti ‘napateg a sanikuana.’ (Ex. 19:5, ftn.) Ngem ti insubadda ken Jehova ket panagdaydayaw kadagiti didiosen iti mismo a templo a pagaammo kas templo ni Jehova! Sinaktanda ti puso ni Jehova ken imbabainda. Apay a dimmakes unay ti kasasaad ti Israel? Ania ti masursurotayo iti impadto ni Ezekiel a pannakadadael ti Jerusalem? Ken ania dagiti masursurotayo iti pannakilangen ti Israel kadagiti nasion iti aglawlawna?
ITI DAYTOY A SEKSION
KAPITULO 5
“Kitaem ti Dakes ken Makarimon nga Ar-aramidenda”
Makita ni Ezekiel ti 4 a makapakigtot nga eksena a mangipakita a nadadaelen ti espiritualidad ti intero a nasion.
KAPITULO 6
“Itan ti Panungpalam”
Dagiti padto nga inyakto ni Ezekiel ipakpakaunada ti panangipakita ni Jehova iti pungtotna iti Jerusalem.
KAPITULO 7
Dagiti Nasion “Maammuandanto a Siak ni Jehova”
Dagiti nasion a nangpadakes iti nagan ni Jehova ken nangidadanes wenno nagbalin a dakes nga impluensia iti ilina apitendanto ti bunga dagiti aramidda. Ania dagiti masursurotayo iti pannakilangen ti Israel kadagita a nasion?
