KAHON 20A
Ti Pannakabingaybingay ti Daga
Ti nailadawan a pagpatinggaan dagiti tawid nga eksakto ti rukodna ket nangipatalged kadagiti naipanaw a sigurado a maisubli ti ipatpategda a daga. Ania dagiti masursurotayo ita iti daytoy a sirmata? Usigenyo ti dua a paset ti sirmata:
Sigurado a lugar ken napateg a paset
Tunggal maysa kadagiti naipanaw a nagsubli ket sigurado nga adda tawidna iti naisubli a Naikari a Daga. Umasping iti dayta, adda lugar ti amin nga agserserbi ken Jehova iti naespirituan a paraiso. Kasano man kabassit ti pasettayo iti organisasion, sigurado nga adda lugartayo ken napateg a pasettayo iti naespirituan a daga. Para ken Jehova, agpapada a napateg ti amin nga adipenna.
Agpapada a bingay
Iti sirmata ni Ezekiel, iti tunggal teritoria iti naisubli a Naikari a Daga, padapada a nakagun-od dagiti umili iti nabaknang nga apit a patauden ti daga. Kasta met la ita, impalubos ni Jehova nga agpapada a matagiragsak ti amin nga adipenna dagiti bendision nga ipaay ti naespirituan a paraiso.