PASET 3
Kasano Idi ti Biag Idiay Paraiso?
Adu a naimbag a banag ti inted ni Jehova kada Adan ken Eva. Genesis 1:28
Inaramid ni Jehova ti umuna a babai, ni Eva, sa intedna ken Adan kas asawana.—Genesis 2:21, 22.
Pinarsua ida ni Jehova a perpekto ti isip ken bagida, ken awan ti depektoda.
Ti Paraiso a pagtaenganda ket ti hardin ti Eden—nakapimpintas a lugar nga addaan kadagiti karayan, agbunga a kaykayo, ken an-animal.
Nakisarita kadakuada ni Jehova; insurona ida. No dimngegda kenkuana, agbiagda koma iti agnanayon iti Paraiso a daga.
Imbaga ti Dios a saanda a kanen ti bunga ti maysa a kayo. Genesis 2:16, 17
Impakita ni Jehova kada Adan ken Eva ti maysa a kayo iti hardin ket imbagana a matayda no manganda iti bungana.
Adda anghel a nagrebelde iti Dios. Dayta a dakes nga anghel ket ni Satanas a Diablo.
Di kayat ni Satanas nga agtulnog da Adan ken Eva iti bilin ni Jehova. Isu nga inusarna ti maysa nga uleg a mangibaga ken Eva a no mangan iti bunga dayta a kayo, saan a matay, no di ket agbalin a kas iti Dios. Siempre, kinaulbod dayta.—Genesis 3:1-5.
Baka Kayatmo Met ti
NAGPAPATEG A PANNURSURO TI BIBLIA
Apay a Pinarsua ti Dios ti Daga?
Nakapimpintas ti lubongtayo. Eksakto ti distansia a nakaikabilanna manipud iti init, eksakto ti irigna, ken eksakto ti kapartak ti panagtayyekna. Apay a kasta unay ti panangikagumaan ti Dios a nangaramid iti daga?
TI BIBLIA—ANIA TI MENSAHENA?
Ti Namarsua Pinagnaedna ti Tao iti Paraiso
Kasano ti panangiladawan ti Biblia iti pannakaparsua ti tao? Ania ti imbilin ti Dios iti umuna a pagassawaan?
