Kas pagarigan, kitaem ti ibagbaga ti dadduma no kasano a nakatulong kadakuada ti panagbasada iti Biblia ken ti panangyaplikarda iti balakadna.

“Mas kalmadoakon. Simmayaat ti emosionko ken nataltalnan ti panunotko. Naragragsakak itan.”​—Fiona.

“Iti panagadalko iti Biblia, naammuak ti panggep ti biag isu nga addan direksion ti biagko.”​—Gnitko.

“Nagdakkel ti simmayaatan ti biagko. Simple itan ken ad-adun ti orasko iti pamiliak.”​—Andrew.

Saan la nga isuda ti kasta. Napaneknekan ti adu a tattao iti intero a lubong a nagadu ti maitulong ti Biblia iti inaldaw a panagbiag.

Kitaentayo no kasano a ti Biblia ket makatulong iti tattao a mangpasayaat iti . . .

• Salun-at

• Emosion

• Biag ti pamilia ken pannakigayyem

• Panangiggem iti kuarta

• Relasion iti Dios

Ipakita dagiti sumaruno nga artikulo no kasano a saan laeng a sagrado a libro ti Biblia no di ket adu pay ti maitulongna iti biagmo.