Ammoyo Kadi?

(Masarakan dagiti sungbat daytoy a pannubok kadagiti naipaay a teksto ti Biblia, ket nayimprenta iti panid 24 ti kompleto a listaan dagiti sungbat. Para iti kanayonan nga impormasion, kitaenyo ti publikasion nga “Insight on the Scriptures,” nga impablaak dagiti Saksi ni Jehova.)

1. Sigun ken ni Santiago, ania dagiti pakailasinan ti maysa a pudno a Kristiano? (Santiago 1:27)

2. Ania ti naudi a saplit a naipagteng kadagiti Egipcio, a nangpatalged iti pannakawayawaya dagiti Israelita? (Exodo 11:1, 5)

3. Ania dagiti letra ti Griego nga alpabeto a nausar a tumukoy ken Jehova? (Apocalipsis 1:8)

4. Apay a saan a dagus a pinapanaw ni Jehova ti amin nga agnanaed iti Naikari a Daga sakbay a dimteng dagiti Israelita? (Exodo 23:29, 30)

5. Tapno maispal ni Rahab ken ti pamiliana, ania ti tallo a banag a kasapulan idi nga aramidenna? (Josue 2:18-20)

6. Ania a sakit ti impagteng ni Satanas ken ni Job? (Job 2:7, 8)

7. Apay a kimmalay-at ni Zaqueo iti kayo a higos-sikomoro? (Lucas 19:3, 4)

8. Mano ti manong ni David? (1 Cronicas 2:15)

9. Kasano a sinubok ti reyna ti Sheba ti kinasirib ni Solomon? (1 Ar-ari 10:1)

10. Ania a porma iti sao a Hebreo ti para iti “Apo”? (Genesis 15:2)

11. Inton makitada ti ania a pagilasinan a masapul a panawan dagiti adalan ni Jesus ti Judea? (Marcos13:14)

12. Apay a talaga a manamnamatayo a magun-odantay ti biag nga agnanayon? (Tito 1:2)

13. Naaramid iti ania a banag ti daong a nakaikabilan ti maladaga a ni Moises? (Exodo 2:3)

14. Ania nga instrumento, a naminsan laeng a nadakamat iti Biblia ti natokar idi a maselselebraran ti pannakayakar ti Lakasa idiay Jerusalem? (2 Samuel 6:5)

15. Mano nga adalan ti imbaon ni Jesus nga umun-una ngem isu iti maudi a panangasabana idiay Judea? (Lucas 10:1)

16. Ania a kalat ti pampanunoten dagiti Fariseo idi nagimtuodda ken Jesus? (Mateo 22:15)

17. Ania ti mapasamak uray iti “mismo a nagan dagidiay nadangkes”? (Proverbio 10:7)

 Dagiti Sungbat ti Pannubok

1. ‘Agtalinaed nga awanan mulit iti lubong’ ken agbalin a nakonsiderar kadagiti balo wenno ulila

2. Ti ipapatay ti amin nga inauna, manipud tao agingga iti animal

3. Alfa ken omega

4. Tapno saan nga umadu dagiti atap nga animal nga agkaan kadakuada iti kellaat a nalangalang a daga

5. Ummongenna ti pamiliana iti balayna, mangibitin iti nalabaga a tali iti tawa, ken dina pulos ipadamag ti isasarungkar dagiti espia

6. Naut-ot a busali manipud iti ulo agingga iti sakana

7. Dina makita ni Jesus gapu iti kinapandekna

8. Innem

9. Nagimtuod “kadagiti makatikaw a saludsod”

10. Adonay [wenno Adhonai]

11. ‘Ti makarimon a banag a mamataud iti panaglangalang ket agtaktakder iti saanna a rebbeng a pagtakderan’

12. Inkari ti Dios dayta, ket saanna a mabalin ti agulbod

13. Papiro

14. Ti sistrum

15. 70 (35 a paris)

16. “Tapno siluanda iti panagsasaona”

17. “Agrunot” ken mapukawto