Ammoyo Kadi?

(Masarakan dagiti sungbat daytoy a pannubok kadagiti naipaay a teksto ti Biblia, ket nayimprenta iti panid 22 ti kompleto a listaan dagiti sungbat. Para iti kanayonan nga impormasion, kitaenyo ti publikasion nga “Insight on the Scriptures,” nga impablaak dagiti Saksi ni Jehova.)

1. Apay a dakamaten ni Isaias ti pannakaipalladaw dagiti didiosen a balitok ken pirak kadagiti panniki inton aldaw ni Jehova? (Isaias 2:20)

2. Apay a naibilin kadagiti Israelita a dida anien a naan-anay dagiti igid ti taltalonda? (Levitico 19:9)

3. Iti sidong ti Linteg Mosaiko, ania ti maikalikagum nga aramiden ti maysa a lalaki no nadadaelna ti mata wenno napusina ti ngipen ti adipenna? (Exodo 21:26, 27)

4. Kaano laeng a makapanaw ti nakapapatay iti siudad a pagkamangan? (Numeros 35:25)

5. Mano nga aldaw ti napalabas manipud idi nagkararag ni Cornelio iti Dios agingga a simmangpet ni Pedro tapno sumarungkar kenkuana? (Aramid 10:30-33)

6. Ania ti imbaga ni Pablo a rumbeng a maaramid ‘kadagidiay mangparnuay iti pannakabingbingay ken kasasaad a makaitibkol’? (Roma 16:17)

7. Ania ti impagteng ni Satanas a sakit ken ni Job idi pinadasna a tignayen a mangikompromiso iti kinatarnawna? (Job 2:7)

8. Sadino ti ayan dagiti Israelita idi damo a nanganda iti manna ken ti damo a pannakaipatungpal ti linteg ti Sabbath? (Exodo 16:1)

9. Ania ti pinangpatay ni Ehud ken ni Ari Eglon iti Moab? (Uk-ukom 3:16)

10. Sadino a probinsia ti Roma ti ayan ti pito a kongregasion a nangipatulodan ni Juan kadagiti mensahe? (Apocalipsis 1:4)

11. Masansan a nailadawan ni Jesus iti ania nga animal, ken apay? (Juan 1:29)

12. Ania a termino ti maus-usar iti pakaurnongan ti dandanum iti daga a maisupadi iti takdang? (Habakuk 2:14)

13. Ania a material ti inusar ni Noe tapno saan a maslep ti daong? (Genesis 6:14)

14. Ania ti napasamak idiay langit kalpasan ti pannakaitrono ni Kristo? (Apocalipsis 12:7)

15. Siasino ti dua nga adalan nga imbaon ni Jesus tapno isaganada ti maudi a panangselebrarna iti Paskua? (Lucas 22:7-13)

16. Naipadto nga agsakay ni Jesus iti ania nga animal iti naballigi nga ipapanna idiay Jerusalem? (Zacarias 9:9)

17. Naidagadag kadagiti nasadut a tuladenda ti daldalan ti ania nga insekto? (Proverbio 6:6)

18. Ania ti napasamak idi inusar ni Pedro ti kampilanna idi pinadasna nga ikaluya ni Jesus? (Juan 18:10)

19. Ania nga insekto ti siaannad a sagaten dagiti Fariseo tapno dida mamulitan sigun iti seremoniada? (Mateo 23:24)

20. Siasino ti nadakamat nga ad-adda a nangpadayaw iti annakna a lallaki ngem ken Jehova? (1 Samuel 2:22, 29)

 Dagiti Sungbat ti Pannubok

1. Agsipud ta amin dagita a didiosen ket maikari iti nasipnget ken narugit a lugar imbes nga iti nadayaw ken natan-ok a lugar

2. Tapno adda adasen dagiti marigrigat ken ganggannaet

3. Wayawayaanna ti adipen

4. No matay ti nangato a padi

5. Uppat nga aldaw

6. Siputan ken liklikanda ida

7. Kinabilna ni Job iti naut-ot a busali a nangapektar iti intero a bagina

8. Iti let-ang ti Sin

9. Dua ti tademna a kampilan

10. Asia

11. Maysa a kordero. Gapu iti akem ni Jesus kas daton

12. Baybay

13. Alkitran

14. Maysa a gubat a nagresulta iti pannakaitapuak ni Satanas manipud idiay langit

15. Da Pedro ken Juan

16. Maysa nga asno

17. Ti kuton

18. Piningasna ti kannawan a lapayag ni Malco, ti adipen ti nangato a padi

19. Ti kuto

20. Ti Nangato a Padi a ni Eli