Ammoyo Kadi?

(Masarakan dagiti sungbat daytoy a pannubok kadagiti naipaay a teksto ti Biblia, ket nayimprenta iti panid 27 ti kompleto a listaan dagiti sungbat. Para iti kanayonan nga impormasion, kitaenyo ti publikasion nga “Insight on the Scriptures,” nga impablaak dagiti Saksi ni Jehova.)

1. Apay a dakes no padasen ti maysa a tao nga ibalsan ti bagina wenno ti sabsabali? (Roma 12:19)

2. Apay nga iparit ni Jehova ti panagdayaw kadagiti ladawan? (Isaias 42:8)

3. Kasano ti panangmatmat ni Jesus iti inted-Dios a naindagaan nga annongenna? (Juan 4:34)

4. Sadino ti nakapulotan ni David kas ari, a sadiay ti pinagbalinna a kabeserana sakbay nga immakar idiay Jerusalem? (2 Samuel 2:1-4)

5. Sigun ken ni Juan, ania a napateg a bato ti kaasping ti bullalayaw iti aglawlaw ti trono ni Jehova? (Apocalipsis 4:3)

6. Ania ti maysa a lugar a nabatad a nagsardengan ni Pablo idi a naipan sadi Roma kas balud? (Aramid 28:13)

7. Ania a naindaniwan a sasao ti pangtukoy ni Jeremias iti Jerusalem idi dinung-awanna ti pannakadadael daytoy? (Un-unnoy 2:2)

8. Gapu iti buteng, naginmamauyong ni David iti imatang ti siasino nga agturay? (1 Samuel 21:12-15)

9. Apay a madusa iti ipapatay ti panagaramid iti pangpulot a lana nga imbilin ni Jehova ken Moses wenno ti personal a panagusar iti dayta? (Exodo 30:31-38)

10. Gapu iti siasino nga adalan a “bimtak ti nakaro a panagpinnungtot” da Pablo ken Bernabe a nagresulta iti panagsinada? (Aramid 15:36-41)

11. Sigun iti Juan 3:16, maibatay iti ania a magun-odan ti maysa a tao ti agnanayon a biag?

12. Ania ti pangawag idi dagiti immuna a siglo a Kristiano kadagiti padada a manamati? (3 Juan 14)

13. Siasino ti nailasin babaen ti estilo ti panagtarayna idi agipadamag ken David? (2 Samuel 18:27)

14. Apay a saan a napalubosan ni Moises a sumrek iti Naikari a Daga? (Numeros 20:7-12)

15. Siasino ti nagdinamag a “sirurungsot” nga agpatpataray iti karuahena? (2 Ar-ari 9:20)

 Dagiti Sungbat iti Pannubok

1. Agsipud ta kinuna ni Jehova: “Kukuak ti pammales; supapakakto”

2. Isu laeng ti maikari a pagrukbaban, nga ipadayag, ken dayawen

3. Kas taraonna

4. Hebron

5. Esmeralda

6. Puteoli

7. “Anak a babai ti Juda”

8. Ni Aquis, ti ari ti Gat

9. Naibilang a nasantuan, a mangipasimudaag iti kinapateg ken kinasagrado dagiti banag nga inyurnos ni Jehova

10. Ni Marcos

11. Mangwatwat iti pammati ken Jesus

12. Gagayyem

13. Ni Ahimaaz

14. Nagtignay a sidadarasudos ken dina intan-ok ti nagan ni Jehova idi inikkanna dagiti Israelita iti danum

15. Ni Jehu