Inyeg ti Angin

Magmagna ti maysa a lalaki kadagiti lansangan ti Mumbai, India, idi adda nayangin a polieto a nagdisso iti sakaananna. Dayta ti Kingdom News Num. 36, a napauluan “Ti Baro a Milenio​—Ania a Masakbayan ti Agur-uray Kenka?” Naawis ti atensionna iti dayta a suheto. Pinidutna a dagus ti polieto sana inungpot a binasa. Natukay ti interesna, ket gapu ta kayatna ti makasursuro pay, nagkiddaw iti Biblia ken dadduma pay a publikasion.

Naglaon ti polieto, nga impablaak dagiti Saksi ni Jehova, iti makapabileg-pammati nga impormasion. Silalawag nga ipakitana a dagiti parikut a pakaipaspasanguantayo, a pakairamanan ti sakit, kinapanglaw, ken gubat, ket bunga ti “kinaagum, kinaawan panagtalek, ken kinamanagimbubukodan​—dagiti kababalin a saan a maikkat babaen laeng ti nasientipikuan a panagsirarak, teknolohia, wenno politika.” Ipakita met ti polieto nga iti saanen a mabayag, ikkatento ti Dios ti amin a kinadakes ditoy daga.

Kayatmo kadi ti makasursuro pay maipapan kadagiti kari ti Biblia iti masanguanan? Dagiti Saksi ni Jehova isursuroda ti Biblia kadagiti pagtaengan ti minilion a tattao, nga us-usarenda dagiti publikasion a naibatay iti Biblia, a pakairamanan ti broshur nga Ania ti Kalikaguman ti Dios Kadatayo? Sungbatan daytoy a broshur dagiti saludsod a kas iti: Asino ti Dios? Ania ti panggep ti Dios iti daga? Ania ti Pagarian ti Dios? Kasano a mapasayaat ti Biblia ti biag ti pamilia?

No kayatmo a sarungkarandaka dagiti Saksi ni Jehova iti pagtaengam tapno tulongandaka a mangtarus no ania ti aramidento ti Dios iti saanen a mabayag, maragsakanda a mangaramid iti dayta ken adu pay nga impormasion maipapan iti Pagarian ti Dios ti iranudda kenka. Pangngaasim ta suratam ti kupon iti baba tapno matulongandaka.

□ Ikkandak iti broshur nga Ania ti Kalikaguman ti Dios Kadatayo?

□ Interesadoak iti libre a panagadal iti Biblia.