Ammoyo Kadi?

(Masarakan dagiti sungbat daytoy a pannubok kadagiti naipaay a teksto ti Biblia, ket nayimprenta iti panid 13 ti kompleto a listaan dagiti sungbat. Para iti kanayonan nga impormasion, kitaenyo ti publikasion nga “Insight on the Scriptures,” nga impablaak dagiti Saksi ni Jehova.)

1. Sadino ti di nangsantipikaran da Moises ken Aaron ken ni Jehova, isu a napukawda ti pribilehio a sumrek iti Naikari a Daga? (Numeros 20:12, 13)

2. Siasino ti grupo dagiti rimmaut a nangtakaw kadagiti baka ken asna ni Job ken nangpapatay kadagiti agserserbi kenkuana? (Job 1:14, 15)

3. Kadagiti tallo a kakadua ni Daniel, siasino ti napanaganan iti Mesac bayat nga adda idiay Babilonia? (Daniel 1:7)

4. Ania a bunga ti espiritu ti nadakamat kalpasan ti ayat? (Galacia 5:22)

5. Nangitapuakan ti napigsa nga anghel ti “bato a kas iti dakkel a gilingan” a mangipasimudaag iti napartak a pannakadadael ti Babilonia a Dakkel? (Apocalipsis 18:21)

6. Aniada a sagut ti siuulbod a kiniddaw ni Gehazi ken ni Naaman iti nagan ni Eliseo? (2 Ar-ari 5:22)

7. Siasino nga ari dagiti Amoreo ti di nangipalubos a lumasat dagiti Israelita iti pagarianna, nupay inkarida a dida man la uminum iti danum sadiay? (Numeros 21:21-23)

8. Siasino ti nangilako iti rukib ti Macpela ken ni Abraham tapno pagitabonanna ken ni Sara? (Genesis 23:8-10)

9. Sigun iti Proverbio 29:25, ania a problema ti tumaud manipud iti “panagbuteng iti tao,” ket kasano a maliklikan daytoy?

10. Ania ti maikatlo a bunga ti espiritu ti Dios? (Galacia 5:22)

11. Ania ti inaramid ni Finehas a nangparagsak ken Jehova isu a simmardeng ti pannaplit a nakatayan ti 24,000 nga Israelita? (Numeros 25:6-14)

12. Ti bat, cab, cor, efa, hin, homer, log, omer, ken sea ket kita ti ania? (Exodo 16:32)

13. Ania ti inlista dagiti apostol ken lallakay idiay Jerusalem kas dagiti “nasken a banag” idi sinuratanda ti kakabsat idiay Antioquia, Siria, ken Cilicia? (Aramid 15:28, 29)

14. Apay a napan ti reyna ti Sheba idiay Jerusalem? (1 Ar-ari 10:4)

15. Ania ti naisalsalumina a paset iti amin a nasantuan a kombension nga inwaragawag ni Jehova iti nasion ti Israel? (Levitico 23:7)

16. Ania ti kaababaan iti uppat nga Ebanghelio?

17. Idi immay ti bunggoy tapno arestuenda ni Jesus, siasino ti sinugatan ni Pedro babaen ti kampilan, a nakapingasan ti kannawan a lapayagna? (Juan 18:10)

18. Iti ania a tallo a lenguahe ti damo a nakaisuratan ti Biblia? (Esdras 4:7; Apocalipsis 9:11)

19. Siasino ti kangrunaan a nagdinamag kas managalla-alla a tattao, nga agnanaed kadagiti tolda ken agbibiag kas agpaspastor? (Jeremias 3:2)

20. Apay a naibaga kadagiti Israelita a dida anien ti igid dagiti talonda? (Levitico 19:9, 10)

Dagiti Sungbat iti Pannubok

1. Dandanum ti Meriba

2. Dagiti Sabeo

3. Misael

4. Rag-o

5. Iti baybay

6. “Maysa a talento a pirak ken dua a pagsukatan a kawes”

7. Sihon

8. Ni Efron a Heteo

9. Mangipakat iti silo. Agtalek ken Jehova

10. Talna

11. Pinatayna ti panguluen dagiti Simeonita a ni Zimri ken ti Midianita a babai a pinastrek ni Zimri iti toldana tapno makiabig

12. Pagsukat

13. “Itultuloyyo ti umadayo iti bambanag a naisakripisio kadagiti idolo ken iti dara ken iti bambanag a nabekkel ken iti pannakiabig”

14. ‘Tapno makitana ti isuamin a kinasirib ni Solomon’

15. Awan ti aniaman a kita ti napagel a trabaho nga aramiden

16. Marcos

17. Malco, ti adipen ti nangato a padi

18. Hebreo, Aramaico, ken Griego

19. Dagiti Arabiano

20. Tapno adda mabati a sumagmamano a binukel “a maipaay iti daydiay naparigatan ken iti ganggannaet nga agnanaed”