“Ita, Nakapatpategen Dayta Kaniak”

Idi 1994, nagipablaak dagiti Saksi ni Jehova iti broshur a mangilawlawag iti kinarigat ti panangiliwliwag iti ipapatay ti maysa nga ay-ayaten. Nanipud idi, adun ti naliwliwana.

Itay nabiit, adda surat a naawat manipud iti manangapresiar nga agbasbasa idiay Pennsylvania, E.U.A., a kastoy ti insuratna: “Idi damo a nakaalaak iti broshur, napanunotko a, ‘Nagsayaat a publikasion daytoy.’ Nupay kasta, idi laeng natay ti balasangko dua a lawas itan ti napalabas a naamirisko ti kinapategna. Gapu ta maladingitanak unay ken agsapsapulak iti pagpatulongak, binasak ti broshur. Ita, nakapatpategen dayta kaniak. Dinakamatna ti amin a kinasaem a marikriknak, ken liniwliwanak.”

Ti broshur a No Adda Matay nga Ay-ayatenyo sungbatanna dagiti saludsod a kas iti: Kasano a mailiwliwagko ti kinalidayko? Kasano a makatulong ti sabsabali? Ania ti namnama dagiti natay?

Nalabit maliwliwaka wenno adda am-ammom a maliwliwanto met inton mabasana daytoy 32 ti panidna a broshur. Mabalinmo ti agkiddaw iti dayta babaen ti panangsurat ken panangibusonmo iti naipakuyog a kupon iti address a makita iti kupon wenno iti maitutop nga address a nailista iti panid 5 daytoy a magasin.

□ Ikkandak iti kopia ti broshur a No Adda Matay nga Ay-ayatenyo.

□ Interesadoak iti libre a panagadal iti Biblia.