Ti Kapatgan a Taripnong iti Tawen

Iladawam nga agsakitka iti grabe. Umimbagka no agpaoperaka, ngem dimo kabaelan ti gastos iti operasion. Ipapantayon nga adda managparabur a nangitukon a bayadanna ti pannakaoperam. Dika aya agyaman iti makaispal-biag a sagutna?

Isursuro ti Biblia nga impatawid dagiti immuna a tattao a da Adan ken Eva ti basol ken ipapatay iti amin a kaputotanda. No ngarud an-anagen, naipasngaytayo amin nga addaan iti makapapatay a sakit​—ket awan kadatayo ti makabael a mangpaimbag. (Salmo 49:7-9) Nupay kasta, impaay ni Jehova a Dios ti Anakna a ni Jesu-Kristo a mangsubbot kadagiti basoltayo. Gapu iti daytoy makaispal-biag a sagut, adda gundawaytayo nga agbiag nga agnanayon iti Paraiso.​—Roma 6:23.

Inton Mierkoles, Abril 16, kalpasan ti ilelennek ti init, lagipento dagiti Saksi ni Jehova ti ipapatay ni Jesus. Itay napan a tawen, nasurok a 15,000,000 ti dimmar-ay​—ket saan a Saksi ni Jehova ti kaaduan kadagitoy. Awisendaka a tumabuno iti Pananglaglagip iti ipapatay ni Kristo. Kinapudnona, dayta ti kapatgan a taripnong iti tawen. Pangngaasim ta makiumanka kadagiti Saksi ni Jehova iti lugarmo para iti eksakto nga oras ken lugar.