“Kayatko a Maammuan ti Ad-adu Pay Maipapan ken ni Jehova”

Kasta ti insurat ti 12 ti tawenna a ni Miki idiay Japan a kalkalpasna nga inadal ti broshur a Makapnek a Biag​—No Kasano a Masagrap. Kastoy ti insuratna kadagiti nangipablaak: “Idi damo a nakitak ti sasao a ‘Makapnek a Biag,’ impagarupko no ti linaonna ket basta balakad maipapan iti panamagbalin a makapnek ti biag. Ngem bayat nga inadalko daytoy a broshur, naamirisko nga isursurona met kadatayo ti kinatan-ok ken pannakabalin ti Dios. Siraragsak a naawatak ti kinatan-ok ken pannakabalin ti Dios ken no ania ti aramidek tapno agbalin a makapnek ti biagko. Ita ta nalpaskon nga inadal dayta, kayatko a maammuan ti ad-adu pay maipapan iti Dios ken maaddaan iti makapnek a biag. Pangngaasiyo ta awatenyo ti naimpusuan a panagyamanko iti panangaramidyo iti daytoy a broshur.”

No kayatmo ti maaddaan iti broshur a Makapnek a Biag​—No Kasano a Masagrap, pangngaasim ta suratam ti kupon iti baba ken ibusonmo dayta iti naipaay nga address wenno iti maitutop nga address a nailista iti panid 5 daytoy a magasin.

□ Kayatko ti maaddaan iti broshur a Makapnek a Biag​—No Kasano a Masagrap.

□ Interesadoak iti libre a panagadal iti Biblia.