Nainsiriban a Pammagbaga Kadagiti Agtutubo

Bayat a mangituktukon kadagiti magasin ti maysa a Saksi ni Jehova a ni Bill iti asideg ti korte idiay California, E.U.A., inasitgan ti maysa a lalaki ket kinitana ti amin nga intugot ni Bill a magasin nga Agriingkayo! Impadamag ni Bill: “Sakbayna, adda sumagmamano a napalabas a ruar ti magasin nga inted kaniak ti dadduma a kakongregasionak isu a nadumaduma a ruar ti naipakitak iti dayta a lalaki.

“Dagus a pinili ti lalaki dagiti magasin a dina pay nabasa sana binulto dagitoy. Dinamagna no mabalin nga alaenna ti sangabulto a magasin. Inyam-ammona ti bagina kas maysa nga empleado iti korte ti estado sana kinuna a natudingan a mamagbaga kadagiti agtutubo nga addaan problema. Inlawlawagna nga agal-ala kadagiti Agriingkayo! tapno ipa-xerox-na dagiti artikulo nga ‘Agimtuod Dagiti Agtutubo.’ Kalpasanna, urnosenna dagiti artikulo sigun kadagiti suheto sana ited dagitoy kadagiti agtutubo a bagbagaanna. Kinuna ti lalaki: ‘Dagiti suheto a nailawlawag ket gagangay a problema a mapaspasaran ita dagiti agtutubo.’ Kinomendaranna dagiti Saksi ni Jehova iti panangipablaakda iti nasasayaat nga impormasion a makatulong kadagiti agtutubo. Kinunana pay a makipagkita manen iti sumaganad a lawlawas tapno mangala iti aniaman a baro nga Agriingkayo! a mabalin nga itedko.”

Masarakan iti libro a Dagiti Saludsod nga Iyimtuod ti Agtutubo​—Dagiti Sungbat nga Epektibo ti kaaduan nga impormasion a naipablaak iti serye ti “Agimtuod Dagiti Agtutubo.” Mabalinmo ti agkiddaw iti daytoy 320 ti panidna a libro no suratam ti naipakuyog a kupon ken ibusonmo dayta iti naipaay nga address iti kupon wenno iti maitutop nga address a nailista iti panid 5 daytoy a magasin.

□ Kayatko ti maaddaan iti libro a Dagiti Saludsod nga Iyimtuod ti Agtutubo​—Dagiti Sungbat nga Epektibo.

□ Interesadoak iti libre a panagadal iti Biblia.