Ammoyo Kadi?

(Masarakan dagiti sungbat daytoy a pannubok kadagiti naipaay a teksto ti Biblia, ket nayimprenta iti panid 20 ti kompleto a listaan dagiti sungbat. Para iti kanayonan nga impormasion, kitaenyo ti publikasion nga “Insight on the Scriptures,” nga impablaak dagiti Saksi ni Jehova.)

1. Siasino ti pinili ni Samson nga agbalin nga asawana idi ‘mangsapsapul iti gundaway maibusor kadagiti Filisteo’? (Uk-ukom 14:1-4)

2. Kas inlawlawag ni Jesus, no ti maysa ket adipen ti Dios, dina mabalin nga igiddan ti agpaadipen iti ania? (Lucas 16:13)

3. Siasino ti asawa ni Ruth a nagbalin nga inapo ti Mesias? (Ruth 4:13)

4. Ania a pannakaibalikas ti nagan ti Dios ti kaykayat ti kaaduan a Hebreo nga eskolar?

5. Gapu iti kasta unay a kinadakes ni Jezebel, ania ti impakpakauna ni Jehova maipapan kenkuana? (1 Ar-ari 21:23)

6. Apay a ginatang ni Abraham ti kueba idiay Macpela manipud kadagiti “annak ni Het”? (Genesis 23:19, 20)

7. Ania a sasao, a ti orihinal a kaipapananda ket panangurnong kadagiti pungto ti makinruar a pagan-anay tapno makipasetka iti pisikal a trabaho, ti maus-usar kadagiti Kasuratan a mangipasimudaag iti panagsagana iti makabannog a mental wenno naespirituan a trabaho? (Job 38:3)

8. Asino nga anak da Adan ken Eva ti naipasngay idi agtawen ni Adan iti 130? (Genesis 5:3)

9. Siasino ti nagbasol a nakaigapuan ti pannakaabak ti Israel idiay Ai? (Josue 7:20)

10. Ania ti pangawag iti nagkauna a kita ti korona? (2 Ar-ari 11:12)

11. Gapu ta di kabaelan ni Maria ti agidaton iti karnero kalpasan ti pannakaipasngay ni Jesus, ania ti impalubos ti Linteg nga idatonna a kas sandi? (Lucas 2:24)

12. Kasano ti panangyam-ammo ni Pablo iti bagina iti kaaduan a naipaltiing nga insuratna? (Efeso 1:1)

13. Idi padpadasenna a pasukuen dagiti Judio, apay a makapasair unay ken ni Ezekias dagiti panangumsi ti ari ti Asiria a ni Sennakerib? (Isaias 36:14, 15, 18-20)

14. Ayan ni apostol Pablo idi naawatna ti ayab nga: “Umallatiwka iti Macedonia ken tulongannakami”? (Aramid 16:8, 9)

15. Apay a ti pumaparmata a ni Hanani binabalawna ti naimbag nga ari a ni Asa iti Juda kalpasan ti simamatalek a panagturayna iti adu a tawen? (2 Cronicas 16:7)

16. Sigun ken Jesus, kasano kapaut ti rumbeng a simamatalek a panagibtur ti maysa tapno maisalakan? (Marcos 13:13)

Dagiti Sungbat iti Pannubok

1. Maysa a Filisteo a babai a taga Timna

2. Kinabaknang

3. Boaz

4. Yahweh

5. “Dagiti mismo nga aso lamutendanto ni Jezebel”

6. Tapno pakaitabonan ti asawana a ni Sara

7. “Bariksam dagiti lomom”

8. Set

9. Acan

10. Maysa a balangat

11. “Maysa a paris a pagaw wenno dua nga urbon nga atap a kalapati”

12. Kas maysa nga apostol ni Kristo Jesus

13. Agsipud ta impannakkel ni Sennakerib nga awan ti kabaelan ni Jehova, kas kadagiti didios dagiti daga a nasakupdan

14. Idiay Troas, maysa a sangladan idiay Asia Minor

15. Gapu ta iti dayta a tiempo, iti di ammo a rason, nakialiansa ni Ari Asa iti ari ti Siria imbes a nagpannuray ken Jehova

16. Agingga iti “panungpalan”