Surat a Naggapu iti Ay-ayaten

Maysa nga agbasbasa a taga New York ti nangidilig iti libro nga Umadanika ken Jehova iti surat a naggapu iti ay-ayaten, sana inlawlawag: “Makapikapik ti tunggal kapitulo ken paunegenna ti panagayatmo ken Jehova.” Kinunana pay: “Ita ta naungpotkon ti libro, kayatko manen a basaen, a kas iti aramidem iti surat a naggapu iti ay-ayatem.” Usigem ti naibagan ti dadduma.

Kinuna ti maysa nga agbasbasa a taga Kansas: “Mariknak a sumingsingedak iti nailangitan nga Amak. Umun-uneg ti panagayatko . . . Segseggaak ti panagbasak iti ad-adu pay iti tunggal agsapa, ket basaekto manen dayta iti mamin-adu a daras.”

Kastoy ti insurat ti maysa a babai a taga Maine: “Nagdakkel ti naitulongna tapno ad-adda a maapresiarko ti pudno a personalidad ni Jehova! Makaliwliwa unay ti nadakamat iti panid 74: ‘Kadagidiay matay, awanen ti nataltalged a pagyananda no saan nga iti lagip ti Dios.’” Kasta met laeng ti rikna ti maysa a nagsurat a taga Alaska: “Kasta unay ti panangtukayna kaniak ta uray la a nakasangitak.” Kinunana pay: “Talaga nga ulit-ulitekto a basaen ken sukimaten dayta.”

Patienmi a kastanto met ti mariknam no mabasam daytoy a libro. Kalpasan ti tallo a pangrugian a kapitulona, nabingay ti libro iti uppat a paset a napauluan “Nakired iti Pannakabalin,” “Managayat iti Kinahustisia,” “Masirib iti Puso,” ken “Ti Dios ket Ayat.” Agngudo dayta babaen ti kapitulo nga “Umadanikayo iti Dios, ket Isu Umadaninto Kadakayo.”

Mabalinmo ti agkiddaw iti daytoy 320 ti panidna a libro a naingpis a karton ti akkubna babaen ti panangsuratmo iti naipakuyog a kupon ket ibusonmo dayta iti address a naipaay wenno iti maitutop nga address iti panid 5 daytoy a magasin.

□ Kayatko ti maaddaan iti kopia ti libro nga Umadanika ken Jehova.

□ Interesadoak iti libre a panagadal iti Biblia.