Ammoyo Kadi?

(Masarakan dagiti sungbat daytoy a pannubok kadagiti naipaay a teksto ti Biblia, ket nayimprenta iti panid 27 ti kompleto a listaan dagiti sungbat. Para iti kanayonan nga impormasion, kitaenyo ti publikasion nga “Insight on the Scriptures,” nga impablaak dagiti Saksi ni Jehova.)

1. Da Ciro, Dario, Asuero, ken Artaxerxes ket pasig a nagturay iti ania a pagarian? (Esdras 4:5-7)

2. Kas panangyilustrar iti nabileg a maaramidan ti dila iti panangkontrol ti maysa a tao iti aramiden ti intero a bagina, nangyaspingan ni Santiago iti dayta? (Santiago 3:3, 4)

3. Asino ti kaunaan a tao a naipadamag a nangusar iti nagan ti Dios? (Genesis 4:1)

4. Pakaisuratan ti nagnagan dagidiay nangpaneknek iti bagida a matalek ken nasungdoda ken Jehova? (Apocalipsis 20:12)

5. Ti pannakailadawan ti Leviatan idiay Job 41:1-34 ket maitutop unay iti ania nga animal?

6. Ania ti inaramid ni Reyna Vasti a nakapungtotan ni Ari Asuero, isu a naikkat iti saadna kas reyna? (Ester 1:12, 19)

7. Kadagiti 12 a lallaki nga imbaon ni Moises a mangsimisim iti daga a Canaan, asino ti nagsubli nga addaan iti naimbag a damag? (Numeros 14:6-8)

8. Kasano kabayag a marikpan ni Satanas iti mangliwengliweng nga abut? (Apocalipsis 20:1-3)

9. Ania ti inusar ni Elias iti panangdutokna ken ni Eliseo kas sunona? (1 Ar-ari 19:16, 19)

10. Idi nakuestion ti autoridad da Moises ken Aaron, kasano nga impakita ni Jehova a ni Aaron ken ti sangakabbalayanna ti napili nga agtakem iti kinapadi? (Numeros 17:1-11)

11. Asino ti immuna nga inkari ni Saul nga iyasawana ken ni David? (1 Samuel 18:17-19)

12. Ania a kita ti sungbat ti “mamagbaw-ing iti pungtot”? (Proverbio 15:1)

13. Kas impatuldo ni Jesus, asino ti nangibaga a ti lalaki ken ti asawana ket “agbalin a maysa a lasag”? (Mateo 19:4-6)

14. Idi inakusar dagiti Judio ni Pablo nga isungsungsongna dagiti tattao iti sabali a panagdayaw iti Dios, asino ti nangwaswas iti kaso gapu ta saan a maikontra dayta iti linteg ti Roma? (Aramid 18:12-16)

15. Iti ilustrasion ni Jesus maipapan iti natan-ok a tao a pimmanaw “tapno alaenna ti kinaarina,” ania ti naited kadagiti adipenna? (Lucas 19:12-24)

16. Iti ania a bulan a nairingpas ni Solomon ti pannakaibangon ti templo sadi Jerusalem? (1 Ar-ari 6:38)

Dagiti Sungbat ti Pannubok

1. Persia

2. Maysa a bassit a timon ti dakkel a barangay

3. Ni Eva

4. “Ti lukot ti biag”

5. Ti buaya

6. Dina kayat ti agparang iti imatang ti ari

7. Da Josue ken Caleb

8. 1,000 a tawen

9. Ti opisial a pagan-anayna

10. Iti amin a sarukod dagiti panguluen ti 12 a tribu, ti sarukod laeng ni Aaron ti nagsabong ken nagbunga kadagiti naluom nga almendro

11. Ti inauna a balasangna a ni Merab

12. Naalumamay

13. Dios

14. Ni Galio, ti prokonsul ti Acaya

15. Maysa a mina

16. Bul, ti maikawalo a bulan iti sagrado a kalendario